E 136 cases fou o le Koviti 19 ua faamauina i Niu Sau Uelese ao faaauau ai pea ona fautuaina mai e sui o le Soifua Maloloina le tulaga ua iai nei le pepesi o le faamai ua iai i se tulaga o se "faalavelave faafuasei aoao" (national emergency).
Mai cases fou ua faamauina i le 24 itula talu ai faagata i le ta o le 8 i le po anapo, e 53 o i latou ia sa iai pea i le komiuniti ae ua aafia ile faamai, atoa ai ma leisi toa 17 sa iai foi ile komiuniti i se taimi ae ua aafia.
Ua saunoa Gladys Berejiklian i le aso Faraile lenei o le faasolosolo pea i luga o le aofai o cases e maua o lona uiga e ono toe faaopoopo foi le umi o le vavao mo Greater Sydney.
Na ia taua e le taumate o le numera o cases o loo faamauina mai e le o agai i le itu sa faamoemoe e agai iai i le taimi nei, mae ua atagia ai e le ono latalata le aofai o cases i le leai (zero) pe a oo atu i le aso Faraile o le vaiaso fou.
O le a faia se iloiloga ile vaiaso fou mo le fuafuaga mo Aukuso ma le lumanai.
E toatasi leisi maliu na faamauina i le aso o se tama 89 tausaga le matua.
Valaau e toe faatulaga nisi tuipuipui faaopoopo mo le itu i sisifo o Sini
Ua faailoa e Berejiklian o le tulaga o loo iai nei ua faaigoa o le national emergency "faalavelave faafuasei aoao" ma ua faalauiloa le faamalosi atili o nisi o tuutuuga i vaega o loo puleaina e faigamalo faalotoifale (local government areas) o Cumberland ma Blacktown i le itu i sisifo o Sini.
O tagata faigaluega i ia vaega ua le o toe mafai nei foi ona agai ese mai sei vagana o i latou o ni tagata faigaluega o loo matuai manaomia le latou auaunaga (essential workers).
Fautuaina e le Ofisa Sili o le Soifua Maloloina, Dr Kerry Chant ma lana au e faapea o le tulaga ua tulai mai nei i Niu Sau Uelese, aemaise lava pitonuu i le itu i saute i sisifo faapea foi ma le itu i sisifo o Sini, ua faaigoaina nei o se national emergency. Mo lea tulaga, o le mafuaaga foi lea o le gaioi o le faigamalo a Niu Sau Uelese e tali atu i le tulaga lea pei ona faaalia e le premier.
Ua taua e Berejiklian e nate lagolagoina le faasilasilaga a Dr Chant ma faatalauula ai ina ia toe faapatino le faatulagaina ane o tuipuipui a Ausetalia agai mai i Sini.
"E le na'o se luitau lenei mo Niu Sau Uelese ae faapea foi mo le atunuu atoa" pei ona faaalia e le premier.
" Ina ia mafai ona soifua lelei ma saoloto tagata sitiseni aemaise mo isi foi setete, e manaomia ona tasi se tulaga e autasi uma iai le atunuu".
Na unaia foi e Berejiklian tagata ua silia ma le tai 40 tausaga ina ia faaaoga le tui o le Astrazeneca,sa ia faaaogaina foi.
"Faamolemole ia silafia ua o matou ofoina le Astrazeneca i nofoaga mo le faiao tuipuipui mo i latou e silia male tai 40 tausaga le matutua.O loo tele le Astrazeneca o loo avanoa, ma afai ua silia ma le 40 ou tausaga, e leai se mafuaaga e te le ono faaaogaina ai le tui ole Astrazeneca".
Na taua foi e le premier ua ia faia talosaga i le faigamalo a le Feterale mo nisi tuipuipui faaopoopo o le Pfizer ina ia toe faatulaga mai mo faaitu o Sini o loo maualuga ai le aofai o cases o le Koviti 19.
Na ia faaalia e taua le agai ane o tagata talavou mai le itu i saute i sisifo ma sisifo o Sini e fai tuipuipui.
"Matou te ioeina e toatele le tupulaga talavou o loo iai i komiuniti ia o loo aafia i le taimi nei ma e matuai manaomia le toe taga'i ile faatinoina o tuipuipui a le atunuu ina ia mafai ona faia le uluai tui o le Pfizer i nisi o nofoaga ina ia taofia ai le pepesi tele o le faamai".
Na faailoa foi e Dr Chant e manaomia e le atunuu ona faasa'o nisi o mau e faatatau i le Astrazeneca.
"I le tulaga o le faamata'u o le Delta, e matua'i o'u le malamalama pe aisea e le faaaoga ai e tagata le avanoa ma agai ane e faaaoga le Astrazeneca".
"O soo se tasi i lalo o le 40 tausaga, mafaufau iai".
Nisi o vaega o le vairusi atagia i Byron Bay
O le taimi nei o loo unaia e le NSW Health tagata o loo iai augao le KOVITi 19 i Byron Bay ile itu i matu o gataifale o NSW ina ia faia siaki ina ua maea ona maua ni vaega o le vairusi i le suavai sa faaaoga i ia faaitu.
O le vaega e faamama ai le suavai (sewage treatment plant) e kava ai se ogaeleele e aofia ai le tusa male 19,000 o tagata o loo nonofo ai.
"E le o iai ni cases i faaitu ia lea o loo popole iai" pei ona faaailoa i se pepa o faamatalaga mai le NSW Health.
E le o iai nisi cases fou ua lipotia i regional NSW lea o loo iai nei i lalo o se vavao e fitu aso, fuafua e maea i le aso 28 o Iulai ile 12:01 ile taeao.
O Orange, Blayney ma Cabonne o loo iai nei ile aso lona tolu lenei o le vavao, na mafua mai ina ua asia e se ave loli kiliva i le vaiaso na tea nei lea faaitu ae o loo ua aafia i le Koviti 19.
