Ua pasia e le Kapeneta a le Atunu'u, le National Cabinet, nisi o fuafuaga fou mo puipuiga o le atunu'u mai le ituaiga vairusi aupito atu ona pipisi lea o loo a'afia ai Peretania i le taimi nei. O nei fuafuaga e faasino tonu i femalaga'iga i le lotoifale ma vaomalo.
E le gata i lea, ua lisiina Greater Brisbane o se coronavirus "hotspot" talu ona pesia se tagata faigaluega faamama fale i le vairusi lenei ma ua faamalosia ai tagata i Brisbane ona tausi puipuia mo le 3 aso, se'i vagana o ni mafua'aga tatau e tu'ua ai fale.
I lalo o aiaiga fou nei, o tagata uma e faamoemoe e malaga mai i va'alele i Ausetalia, e tatau ona faamaonia muamua i se suesuega le le pesia i le KOVITI-19, negative COVID-19 test, ae le'i tu'ua le atunu'u o loo amata mai ai lana faigamalaga.
Ua faaitiitia fo'i le aofa'i o tagata e mafai ona ulufale mai pe toe fo'i mai i Ausetalia nei.
E le o taofia faigamalaga mai Peretania, ae o pasese uma mai lea atunu'u, e tatau ona pasia muamua e le o pesia i le vairusi ae le'i ulufale i totonu o le va'alele.
Ua faamalosia le faia o ufi foliga poo masks e pasese uma i malaga i le lotoifale o le atunu'u atoa ai ma malaga faa-vaomalo - e le faamalosia i tamaiti e ta'i 12 aga'i lalo tausaga le matutua.
"This virus continues to write its own rules, and that means that we must continue to be adaptable in how we continue to fight it," Mr Morrison said.
E iai faatagaga faapitoa mo nisi i le mataupu i suesuega, e pei o tagata faigaluega vaitau mai atunu'u e le o pepesi ai le faama'i, o le a faia lava a latou tests, ae 'ese le auala e faia ai ma le taimi.
Faaitiitia le aofa'i o tagata e ulufale mai i faigamalaga faa-vaomalo se'ia aulia Fepuari.
Ua tipi i le 'afa le aofa'i o tagata e mafai ona ulufale mai i faigamalaga mai atunu'u i fafo ma taunu'u i malae va'alele i New South Wales, Western Australia ma Queensland.
O lona uiga i New South Wales, ua pa'u i le to'a 1,505 tagata i le vaiaso, i Western Australia to'a 512 i le vaiaso, ae i Queensland to'a 500 tagata i le vaiaso.
E faaauau pea ona mafai ona taunu'u i Vitoria faigamalaga mai fafo, ae ua tapula'a i le vaiaso i le to'a 490 tagata e mafai ona ulufale mai ai.
Na faai'ugafonoina e le fonotaga a le National Cabinet aiaiga nei e faamalosia se'ia o'o i le Aso 15 o Fepuari.
Na saunoa le palemia, o le 80 pasene o tagatanu'u Ausetalia ua resitara e fia toe fo'i mai, o loo i atunu'u ua pesia i le ituaiga vairusi aupito pipisi lenei.
"There are many unknowns and uncertainties in relation to the new strain, and so that's why this precautionary approach, we believe, is very sensible," he said.
Na saunoa Chief Medical Officer Paul Kelly, o le faai'uga lenei na faavae i le manatu autu e puipuia le atunu'u mai le pepesi o le ituaiga vairusi fou lenei ona e aupito sili atu lona pipisi nai lo le vairusi lea na pesia ai le atunu'u.
"Our main issue is to keep Australians safe and to really make sure that this particular strain is not the one that becomes circulating in Australia," he said.
"The reason is because it will be much more difficult to control."
O tagata faigaluega uma i faletalimalo o loo tausi puipuia pe quarantine ai pasese e taunu'u mai fafo, o le a faia a latou tests i aso uma.
E lata i le to'a 38,000 tagatanu'u Ausetalia o loo fafo ua resitara ma le matagaluega o le vaifafo, le Department of Foreign Affairs and Trade mo avanoa e toe fo'i mai ai i aiga i Ausetalia nei.
