Tala mulimuli nei o le faama'i KOVITI-19: Faatonuina le Code Brown i Vitoria, i se aso aupito to'atele ai tagata maliliu mai le Koronavairusi.

Tala mulimuli nei o le faama'i Koronavairusi i Ausetalia, Aso 18 Ianuari 2022.

Paramedics are seen tending to their ambulance outside St Vincent hospital in Melbourne. Source: AAP

To'a 74 tagata na maliliu i le aso ua mavae i NSW, Vitoria ma Queensland, o se matati'a o le aofa'i maualuga o tagata e maliliu i se aso e tasi i le faama'i.
Faatonuina e le malo setete i Vitoria le Code Brown mo faalavelave faafuase'i, ae o feagai 'au'aunaga soifua maloloina ma falema'i i faafitauli o le pepesi o le Omicron.
Na faaalia e Deputy Premier James Merlino ua "reached a point in our health system where it's juggling severe workforce shortages" i le tulaga faigata ua iai le faaitiitia o tagata faigaluega i falema'i.
O le uiga o le faatonuga, o falema'i e 6 o le a toe vala'au i tagata faigaluega e fo'i mai o latou livi, ma nisi 'au'aunaga le o mana'omia vave, o le a tolopo.
E to'a 29,830 tagata na pesia mo le taimi muamua i NSW, to'a 2,850 o loo tausia i falema'i, to'a 209 i le ICU.
Na lipotia e le Sydney Morning Herald o tamaiti a'oga uma i le setete, e ta'i faalua i le vaiaso ona faia su'ega RAT pe a toe a'e a'oga.
Ua tolopo i seisi 2 vaiaso le toe a'e o a'oga i Queensland ona o le pepesi pea o le faama'i.
To'a 16 tagata na mliliu i le faama'i i Queensland ma na faaalia e le minisita o le soifua maloloina, Yvette D'Ath ni tulafono fou o Vavao mo tagata asiasi i falema'i.
Ua faamalosia e le European Union aiaiga o Vavao mo tagata malaga atu mai Ausetalia, Argentina ma Kanata e le'i faia ni tui puipui.

O Setete ma Teritori nei ua faia pepa resitara mo le su'ega RAT.