- Auai fitafita e fesoasoani i leoleo i NSW i le faamalosia o Sa ma Vavao.
- Maua so'otaga o le tagata lea na pesia i Vitoria.
- Tapunia se a'oga i Brisbane ina ua pesia se tamaititi i le KOVITI-19.
- Toe tatala tua'oi o Tasmania i tagata ulufale atu mai Vitoria.
New South Wales
E to'a 170 tagata ua faamaonia le pesia mo le taimi muamua i le koronavairusi i NSW i le aso ua mavae, e lata i le to'a 42 na feoa'i i nofoaga faitele i le taimi o tau'aveina le vairusi.
Ua vala'au le palemia Setete, Premier Gladys Berejiklian i tagata lautele ina ia faaitiitia asiasiga asiasiga i isi aiga ona o le pepesi o le vairusi i va o aiga ma totonu o falefaigaluega.
Ua aumaia ma se lapata'iga mai le Komesina o leoleo, Mick Fuller, i tagata o loo faamoemoe e faia se savali tete'e i le faai'uga o le vaiaso, 'e afe ma ona tupu leoleo o le a fetaia'ai ma i latou.'
E amata atu fo'i i le Aso Gafua a sau ona auai fitafita e to'a 300 o le militari i le leoleoina o Sa ma Vavao o puipuiga o le pepesi o le koronavairusi i le Setete o NSW.
Vitoria
E to'a 3 tagata na pesia mo le taimi muamua i le setete i le aso ua mavae, o i latou uma ua mautinoa so'otaga ma nofoaga na pesia mai ai ma na tausi puipuia i le taimi na faamaonia ai.
Na faaalia le minisita o le soifua maloloina i Vitoria, Martin Foley, na iloa i genomic testing o le tagata lea na tau saili pe na faapefea ona pesia, ua iloa nei ona so'otaga. .
I le 24 itula ua mavae atu i Ausetalia
- Ua faaalia e le matagaluega o le soifua maloloina i Queensland o le tamaititi lea ua faamaonia le pesia i se a'oga i Brisbane, e 3 aso o fealua'i i nofoaga faitele ma le a'oga ae o ia tau'aveina le vairusi amata mai i le Aso 27 o Iulai.
- Ua toe tatala le tua'oi o Tasmania i tagata asiasi atu mai Vitoria.
Quarantine, femalaga'iga, nofoaga o tests ma le totogi pandemic disaster payment
O mataupu i le Quarantine ma le faia o tests, o matafaioi a malo Setete ma Teritori:
A e fia faimalaga i se atunu'u i fafo, e ono mafai ona e talosaga mo se faatagaga i luga o le 'upega o feso'ota'iga. mo nisi faamatalaga i auala e mafai ai ona e malaga i fafo mai Ausetalia. E iai aiaiga le tumau mo malaga faavaomalo o loo iloiloina i taimi uma e le malo ma e mafai ona e mauaina faamatalaga i luga o le website.
- Talafou ma isi faamatalaga i gagana e 'ova i le 60
- Ta'iala talafeagai mo lou Setete poo Teritori: , , , , , , .
- Faamatalaga i le le Gagana Samoa.
Asiasi i le NSW Multicultural Health Communication Service faaliliuina:
Nofoaga mo tests i lou Setete poo Teritori:
Faamatalaga i totogi pandemic disaster payment i lou Setete poo Teritori:
