Lipoti lata mai o le KOVITI-19: Fa'aaogā le ami i Niu Sau Uelese, faaopoopo le umi o le Vavao i Kuiniselani.

O le lipoti lata mai lenei o le Koronavairusi i Ausetalia, aso 2 o Aokuso 2021.

Australian Defence Force personnel and NSW police are seen being deployed from Fairfield Police Station in Sydney, Monday, August 2, 2021. Source: AAP Image/Mick Tsikas

O loo maualuga pea le numera o tagata aafia ile Koviti i Niu Sau Uelese.

O le toatele o cases poo tagata ua aafia mai ile faamai mai Kuiniselani, o tamaiti.

Faamauina cases e lua mai Vitoria.

Faamamā nisi aiaiga o le Vavao i Ausetalia i Saute.

Niu Sau Uelese

Ua faamauina i Niu Sau Uelese cases fou e 207, a itiiti mai o le toa 50 o i latou ia na iai lava i le komiuniti ile taimi ao loo aafia ai. O se tamā pe a ma le 90 tausaga ua ma'ea ona faia lona tuipuipui muamua o le faama'i, le Astrazeneca, ua maliu i le falemai i Liverpool.

E oo atu i le 300 sui o le vaega o le Puipuiga a Ausetalia o loo fesoasoani nei i leoleo i Niu Sau Uelese e kiliva meataumafa, afǐfi, faia siaki e ala ile tuitui i faitotoa o aiga ma siaki ia faamautinoa o usitaia aiaiga i vaega o pulega faaitumalo e 8. E lē o fa'aauupegaina le ami.

Unaia e le premier o Niu Sau Uelese, Gladys Berejiklian tagata ina ia faia tuipuipui. Saili ii le lisi o nofoaga e fai ai tuipuipui.

Kuiniselani

E 13 cases fou o le koviti ua faamauina mai i Kuiniselani, o le toatele o i latou ia o tamaiti e i lalo o le tai 10 tausaga le matutua. O cases uma ia e iai sootaga ia i latou o loo pesia ile taimi nei ma ua oo atu ile 31 le aofai o i latou o loo aafia ile taimi nei.

O le teutupe Cameron Dick na ia faalauiloa le paketi e $260 miliona e fesoasoani ai i pisinisi i Kuiniselani aemaise lava pisinisi laititi ma feololo.

O le Vavao ua toe faaumiumi atu nei ile Aso Sa, 8 o Aokuso ma o loo aofia ai Brisbane, Gold Coast, Ipswiich, Lockyer Valley, Logan, Moreton Bay, Noosa, Redland, Scenic Rim, Somerset ma Sunshine Coast.

Saili ii le lisi o nofoaga na agai iai tagata ua aafia (exposure sites)

Le 24 itula talu ai nei i Ausetalia.

Faamauina mai Vitoria isi cases fou e lua e iai sootaga ia i latou o loo pesia ile faama'i ile taimi nei ma o loo faanofoesea.

I Ausetalia i Saute o loo tumau pea le faamalosia o le faia o talifofoga ae o taaloga o le a toe faaauau taamilosaga ae iai 'aiaiga e faatatau ile aofai o le au maimoa.

Faanofoesea, faimalaga, nofoaga mo le faia o siaki ma peimeni o le faama'i

O le faanofoesea ma manaoga mo le faia o siaki e puleaina ma faamalosia e le setete ma le faigamalo a teritori.

NSW

and

VIC

and

ACT

and

and

QLD

and

and

TAS

and

and

Afai e te fia malaga i atunuu i fafo, e ono mafai ona e apalai i luga o le upega tafailagi mo se faatagana (exemption). Kiliki iinei mo nisi faamatalaga e faatatau i aiaiga o le tuua ai o Ausetalia. O loo iai ni vaega ua faatulaga le tumau mo faigamalaga faavaomalo ma e fai ma iloilo e le malo ma toe faafou nisi o faamatalaga i le Upega tafailagi a le Smart Traveller.