Matati'a aofa'i maualuga o tagata pesia i NSW, si'itia aofa'i o tagata pesia i Vitoria.

Tala mulimuli nei o le faama'i Koronavairusi i Ausetalia, Aso 22 Aukuso 2021.

Watu wafanya ma.zoezi mjini Sydney, Jumapili, 22 Agosti, 2021. Source: AAP Image/Bianca De Marchi

To'a 830 tagata ua pesia i le KOVITI-19 i NSW i le aso ua mavae, ma le to'atolu ua maliliu ai
To'a 65 tagata ua pesia i le KOVITI-19 i Vitoria, to'a 21 o i latou e iai so'otaga ma le cluster i Shepparton
To'a 19 tagata ua pesia i le Koronavairusi i le ACT
Leai seisi na pesia i Queensland i le aso ua tuana'i

New South Wales

O se tasi matati'a i le aofa'i aupito maualuga o tagata e pesia i se aso e tasi na molimauina i NSW i le 24 itula ua mavae, ina ua faamaonia le pesia ai o tagata e to'a 830, ma nisi e to'atolu na maliliu ai.

O i latou na maliliu, o ni alii se to'alua ma se tama'ita'i ua 'ova i le 80 tausaga le matua, na o le ta'itasi o letou tui puipui na faia. Ua oo ai i le to'a 71 tagata i NSW ua maliliu talu ona toe pepesi le faama'i i le Setete.

Na faaalia e le minisita o le soifua maloloina, Brad Hazzard, ua molimauina le to'atele o tagata ua faia tui puipui i le vaiaso nei.

Faatonu sou tui puipui

vaccination appointment

Vitoria

E to'a 65 tagata na pesia i le Koronavairusi i Vitoria i le aso ua mavae, to'a 55 ua mautinoa nofoaga na pesia mai ai, ae o loo su'esu'eina le mafua'aga o le pesia o le isi to'a 10.

O le to'a 21 o tagata na pesia, ua mautinoa le so'otaga ma le cluster i Shepparton.

Ua toe faamalosia Sa ma Vavao mo le Setete atoa o Vitorian.

E 'ova i le to'a 200 tagata na saisaia e leoleo i Vitoria i se tete'e ananafi i faatonuga o Sa ma Vavao, e to'a 6 leoleo na manunu'a ai.

Nofoaga o loo pepesi ai le faama'i

list of exposure sites

ma nofoaga e fai ai sou tui puipui

list of vaccination centres

24 itula ua mavae i Ausetalia

To'a 19 tagata ua pesia i le ACT - to'a 6 na feoa'i i nofoaga faitele ae o pesia.
Leai seisi na pesia i le Setete o Queensland.

Quarantine, femalaga'iga, nofoaga o tests ma le totogi pandemic disaster payment

O mataupu i le Quarantine ma le faia o tests, o matafaioi a malo Setete ma Teritori:

NSW

VIC

ACT

QLD

TAS

A e fia faimalaga i se atunu'u i fafo, e ono mafai ona e talosaga mo se faatagaga i luga o le 'upega o feso'ota'iga.

Click here

mo nisi faamatalaga i auala e mafai ai ona e malaga i fafo mai Ausetalia. E iai aiaiga le tumau mo malaga faavaomalo o loo iloiloina i taimi uma e le malo ma e mafai ona e mauaina faamatalaga i luga o le

Smart Traveller

website.