Ua faaalia e le sui chief medical officer (faama'i le pepesi) i Vitoria, Associate Professor Deb Friedman, o le to'atele o tagata e le lamatia mai le pesia i le vairusi o le monkeypox.
"E matua faigata lava ona pesia seisi i le monkeypox mai le faatalofa pe lululima ma seisi tagata. Ou te le iloa se tagata i le lalolagi atoa ua pesia i le monkeypox mai le lululima pe faataloga ma seisi tagata." Professor Friedman i talafou a le SBS.
"E mana'omia le 'umi ona fepa'ia'i pa'u o le tino. Ou te le o fai atu i le lima-i le -lima, ae o le pa'u i le pa'u mo se taimi 'umi."
O lona uiga e te le pesia ai i totonu o se pasi poo seisi auala o feoa'iga faitele. E te le pesia i lou ui ane vavalalata ma seisi o loo pesia i le vairusi. E matua le mafai ona e pesia i le lua 'a'ai faatasi pe inu kofe ma se tagata o pesia.
Peita'i o loo fautuaina e foma'i ma faigamalo i le atunu'u le taofia o le fepa'ia'i ma se tagata o loo pesia.
E faapefea ona pepesi le monkeypox?
Poo le 98% o tagata o loo pesia i le monkeypox i le lalolagi o le itupa o ali'i e masani ona faia feusua'iga ma isi ali'i, e tusa ai ma faamaumauga a le WHO.
Na ta'ua e Prof Friedman e iai lona talitonuga o le tulaga fo'i lea i Ausetalia nei, ona o le to'atele o tagata ua faamaonia le pesia i le monkeypox o le itupa o ali'i e gay pe bisexual.
Ae le faapea ai e le mafai ona pesia isi tagata.
"E mafai ona pepesi le monkeypox i mataua nini'i o le faua e manavaina e seisi e 'umi se taimi o felata'i ma se tagata o pesia i le maonkeypox, ae seasea ona tupu mai lea e avea ma mafua'aga o le pesia o seisi," e tusa ai ma se faamatalaga a le NSW Health notes.
Na faaalia e le US o le pepesi o le monkeypox e auala mai i le feso'ota'i pe pa'i sa'o i manu'a, po'u poo suavai o le tino (faua, suasi) o se tagata o loo pesia i le monkeypox.
O le feso'ota'i sa'o poo le pa'i sa'o, e aofia ai feusua'iga i le gutu, puti'o, mimi, poo le tago i vaega i lalo o le tino (poti, fuamiti, lau ma le pu o le mimi).
O isi itu'aiga feso'ota'i sa'o, e aofia ai le fusifusi, fofo ma le kisi.
E mafai fo'i e tina o loo mamafa i le ma'itaga ona pasi le vairusi ia latou pepe e auala i le 'ofu'ofu fanau.
E faapefea ona puipuia mai le monkeypox?
E fautuaina tagata e taofia ona fepa'ia'i ma se tagata o loo pesia, e aofia ai le fa'aaogaina faatasi o solo ma 'ie 'afu ma se tagata o loo pesia, ma ia faia tui puipui pe a mafai ona maua.
E fautuaina fo'i tagata e malaga i atunu'u o loo pepesi ai le vairusi ina ia 'alo 'ese mai manu e ono pesia i le vairusi e pei o 'isumu ma manuki), atoa ai le taumafaina o 'a'ano o manu 'aivao, e tusa ma le fautuaga a le Tasmania Health.
O le fautuaga mai le malo tele i Ausetalia: O tagata uma ua faamaonia pe o masalomia le pesia i le monkeypox, e tatau ona faanofo'esea se'ia toe pepe uma po'u ma manu'a ma a'afiaga i le pa'u o le tino mai le vairusi.
E tele ina toe pepe i le va o le lua ma le fa vaiaso.
Fufulu mama lima i se fasimoli ma le suavai poo se sipili faamama se sanitizer, ma tale i se pepa solosolo poo se solosolo 'ie.
A faapea e le mafai e se tagata ona faanofo'esea to'atasi, e tatau ona faia sana ufi foliga i taimi uma e mafuta ai ma isi tagata i se fale.
Na faaalia e Prof Friedman e le faamalosia ona faia tui puipui o tagata ua faamaonia le pesia i le vairusi.
"Ae fautuaina tagata o loo i se tulaga lamatia mai le pesia i le monkeypox e faia tui puipui mo lo latou puipuiga."
E 2 tui puipui e faia e va i le masina le tui muamua ma le tui lona lua. Ua iloa le matua aoga o le tui puipui i le puipuiga o se tagata maile pesia i le monkeypox.
O ai e mafai ona faia tui puipui o le monkeypx?
E 450,000 tui puipui mo le smallpox, le JYNNEOS, ua faatauina e le malo ma ua taunuu i le atunuu le 'ova i le 20,000 o tui.
Ona o le 'uti'uti o le sapalai i le taimi nei, ua tu'uina i setete ma teritori le aia e filifili ai tagata e 'ave iai le faamuamua i le faia o tui puipui. E aofia:
• Tagata e sili ona vaivai le puipuiga pe a alia'e mai se faama'i tele o le monkeypox. Tagata e faia feusua'iga ma isi o lo latou lava itupa - alii e feusua'i ma isi ali'i, tamaita'i e feusua'i ma isi tamaita'i ma i latou e feusua'ia ma soo se itupa, tagata galulue talitane, ma nisi e fa'aaogaina vaila'au faasaina.
• Tagata ua faamaonia le pesia i le HIV ma vaivai le malosi o le tino e tau ai i faama'i.
• Tagata mafuta felata'i ma seisi ua pesia i le vairusi monkeypox.
E tatau i tagata ua uma ona pesia i le monkeypox ona faia tui puipui?
Do migrants with previous smallpox infection need a monkeypox vaccine?
SBS English
14:57
O tagata uma i Ausetalia e manatu e mafai ona mauaina le tui puipui o le monkeypox, e tatau ona faafeso'ota'i muamua lau GP.
Mo tagatanu'u i NSW faamolemole faatumu le pepa lenei.
I Vitoria, e maua le tui puipui le monkeypox vaccinations i le Melbourne Sexual Health Centre, Thorne Harbour Health, Northside Clinic, Collins Street Medical Centre ma le Prahran Market Clinic.
E tatau i tagata na pesia muamua i le smallpox ona faia le tui puipui?
Na saunoa Prof Friedman ua 'ova i le 100 tausaga e le'i toe molimauina i Ausetalia le smallpox. Na taofia uma tui puipui o le smallpox i luma atu o le 1980.
Ae iai le avanoa o le pesia o nisi o tagata fai mai i le smallpox.
Matou te iloa o nisi o tagata fai mai na faia tui puipui o le smallpox i le taimi o laiti i atunu'u e afua mai ai.
"E iai le avanoa e mafai ai ona puipuia i latou mai le monkeypox ona e 'umi se taimi o le malosi o le vaila'au puipui." Prof Friedman.
E faapefea ona iloa ua e pesia i le monkeypox?
O le faamatalaga mai le NSW Health, o auga e aofia ai le fiva, pu'eia, tiga le fa'a'i, gagase musele o le tino, fula le ua poo so'oga o le fatafata.
A molimauina loa auga o le monkeypox
Vala'au le Tolu Zero (000) i se taimi vave ma ta'u iai o o'e ua maua i auga o le monkeypox.
NSW Sexual Health Infolink: 1800 451 624
Victoria: 1800 013 952; 03 9257 0100
Queensland: 13 HEALTH (13 43 25 84)
Western Australia: metro callers 61 8 9227 6178, country callers 1800 198 205
South Australia: 1300 883 793, country callers 1800 188 171
Tasmania: 1800 671 738
Australian Capital Territory: (02) 5124 2184
Northern Territory (Royal Darwin Hospital): 8922 8888
HealthDirect Australia: 1800 022 222
