Palota Ausetalia i le Leai mo se Leo o Tagata Muamua i le Palemene.

Ua faia'ina le mau mo se leo o tagata muamua i le palemene i le palota faalaua'itele (referendum) mumau i le atunu'u i le 'ova ai i le 20 tausaga.

Ballot papers are seen at a counting centre in Melbourne, Saturday, October 14, 2023. Australians will vote in a referendum on October 14 on whether to enshrine an Indigenous voice in the country's constitution. (AAP Image/Con Chronis) NO ARCHIVING Source: AAP / CON CHRONIS/AAPIMAGE

Key Points

• Mafuli le palota i le laolagoina o le Leai
• Palota uma setete e 6 ma le Northern Territory i le Leai, palota le ACT i le Ioe.
• Vala'au le palemia Anthony Albanese mo se maopoopoga o le atunu'u.

Ua te'ena i le palota faalaua'itele le mau mo se Leo o Tagata Muamua e aloa'ia i le Faave o Ausetalia.

Na palota uma setete e ono ma le Northern Territory i le palota faalaua'itele le (referendum) i le Aso Toona'i.

O loo maua fo'i e le mau mo le 'Leai' se faasiliga o palota i le faitau atoa o le atunu'u.

Na o le ACT na maua ai se manumalo o le mau i le 'Ioe.'

Na saunoa le palemia, Anthony Albanese, o le faai'uga "e le atagia ai i tatou o tagatanu'u, pe vaevaeina ai i tatou."

"E ia te'i tatou le tiute ma le matafaioi i le sa'iliga o seisi auala e maua ai se taunu'uga manuia mo se faaleleiga tumau."

Australian Prime Minister Anthony Albanese delivers a statement on the outcome of the Voice Referendum at Parliament House.

Ua vala'au le ta'ita'i o le itu-agai, Peter Dutton, mo se maopoopoga o le atunu'u mai ia faaigoaina le referendum, o se mea sa le tatau ona faia i Ausetalia.

"O le mau ma le auala na faia ai, sa tatau ona maopoopo ai le atunu'u ae le vaevaeina ai."

Opposition Leader Peter Dutton and Shadow Minister for Indigenous Australians Senator Jacinta Price address the media following the referendum. Source: AAP / JONO SEARLE/AAPIMAGE

Mo nisi o tagata muamua, o le a faia se "vaiaso o le sao" e faailoa ai lo latou faanoanoa i le faai'uga o le palota, ma mafufau ai i seisi la'asaga mo le lumana'i.

Na saunoa le minisita o mata'upu i tagata muamua ma na tuleia le mau i le 'Ioe,' Linda Burney, o le faai'uga lenei o le a tula'i mai ai nisi ta'ita'i o tagata muamua e tau'aveina le mau.

Na saunoa Nyunggai Warren Mundine, o se tagata muamua na lalamua i le tuleia o le mau i le 'Leai' o le faai'uga ua atagia ai le naunauta'iga o tagata i Ausetalia mo "galuega patino ma aoga" mo tagata muamua.

"Ua tatau i tagata ona va'ai ma amana'ia faafitauli i sauaga, faiga so'ona fai faamalosi ma amioga le taupulea i nisi o nu'u ma 'a'ai o tagata muamua."

Silafia atili le 2023 Indigenous Voice to Parliament referendum i le SBS Network,ma le NITV.

Asiasi i le SBS Voice Referendum portal 

mo ripoti au'ili'ili, ata video, potekasi i gagana e 'ova i le 60, pe stream talafou lata mai ma isi ripoti faapitoa i le Voice Referendum hub on SBS On Demand.