Na saunoa le peresitene filifilia, Joe Biden, o le galuega taua ua tatau ona faia nei o le faatulagaina lea o polokalame o puipuiga o le pepesi o le KOVITI-19 i Amerika, ma o le 'umi ona faatali ia Donald Trump, o le to'atele fo'i lea o tagata o le a maliliu mai le faama'i.
"More people may die if we don't coordinate" on issues like distributing COVID-19 vaccines to Americans as quickly as possible," na saunoa ai Joe Biden i le 'au tusitala i Wilmington.
Na ia saunoa a faatali i le masina o Ianuari lea o loo faamoemoe faatautoina ai i la'ua ma Kamala Harris i tofi peresitene ma le sui peresitene, o lona uiga o le a 'ova i le masina e faatali ai ma leai se polokalame mautu mo puipuiga o le pepesi o le KVOTI-19.
"If we have to wait until (inauguration day) on 20 January to start that planning, it puts us behind for a month, a month and a half. And so it's important that there be coordination now - now, or as rapidly as we can get that done."
Na saunoa Joe Biden ua malilie ta'ita'i o Kamupani ma Pisinisi i ni fuafuaga e toe fotua'i ai ona o a'afiaga mai le pepesi o le faama'i. Peita'i o le faamuamua, e tatau ona 'ave i le taofia o le pepesi o le KOVITI-19 i le atunu'u.
Na ia 'ai'oi i le Congress, le fono faitulafonoa e pasia nei ni tulafono o fesoasoani mo tagata ona o a'afiaga mai le pepesi o le KOVITI-19.
O loo i se tulaga pagatia le atina'e o le tamao'aiga i Amerika ona o le faama'i lea ua 'ova i le 260,000 tagatanu'u Amerika ua maliliu ai.
Ae ua atili faigata le feagai ai o Amerika ma le faama'i i le tau malulu lea ua foufou mai.
“We’re going into a very dark winter. Things are going to get much tougher before they get easier,” na saunoa ai Joe Biden.
