Ua lata i le 3 masina o faamalosia nisi o Sa ma Vavao i puipuiga o le pepesi o le coronavirus, ae o le Asfua, Aso 1 o Iuni (a taeao), o le a tatalaina ai nisi o Sa ma toe faatagaina pisinisi ma galuega atoa ai ma ta'aloga ma fa'afiafiaga.
Ua famamaluina ai le Vaega 2 o Vaega e 3 na faatulagaina e le malo ina ia toe fo'i ai le atunu'u i ana galuega ma pisinisi masani mo le atina'e o le tamao'aiga i se tulaga saogalemu mai le pepesi o le coronavirus.
I le fonotaga a le Kapeneta a le Atunu'u, le national cabinet i le Aso Faraile talu ai, na aaalia e le palemia, Scott Mr Morrisone amata a taeao le Vaega 2 ae o loo faamoemoe e faatino le Vaega 3 i le masina o Iulai.
O le naunauta'iga ina ia 'aua ne'i tupu mai se tulaga e toe pesia ai ni tagata se to'atele i le atunu'u i le coronavirus ae le'i o'o i le Vaega 3 ia Iulai.
O mea nei ua suia e amata atu i le Aso Gafua a taeao:
New South Wales
Faataga asiasiga i soo se vaega o le Setete, o lona uiga o le a molimauina le tele o ta'avale i luga o ala tele'
Tatala papu ma fale'aiga ma faatagaina tagata e o'o i le to'a 50 e taumamafa ai i laulau, to'a 20 tagata ua faatagaina i se faaipoipoga.
Tatala fale mata'aga, faletusi ma fale teuteu tino.
"Ua matou iloa le taua o 'au'aunaga nei i tagata ma aiga ta'itasi, ae ia tautuana le tausisia o lapata'iga mo le puipuiga mai le vairusi mo le saogalemu o tagata uma," na saunoa ai Premier Gladys Berejiklian.
To'a 50 tagata ua faatagaina ona auai i sauniga o maliu ma malumalu tapua'i.
"E taua tele ona usita'ia e tagata tapua'i fautuaga mai le soifua maloloina," na ta'ua e le premier.
"Ae sili atu ona taua mo tagata i luga atu o le 50 ma le 70 tausaga le matutua."
O loo fai fuafua le Taga lenei i malumalu tapua'i ona o le molimauina o le pepesi o le vairusi i nisi o nofoaga tapua'i i atunu'u i fafo.
Ae na tulei malosi e ta'ita'i o tapua'iga le tatala o le Vavao lenei, ina ua faaalia e le malo Setete i le vaiaso na te'a nei le Taga i le to'a 50 tagata i papu ma fale'aiga.
NSW Premier Gladys Berejiklian Source: AAP
Vitoria
Tatala fale'aiga ma fale kofe ma isi nofoaga faitele ae tapula'a i le to'a 20 tagata e mafai ona taumamafa ai i laulau.
I fale'aiga o loo faamalosia pea: 1.5 mita le va o laulau, faamauina faamatalaga e fesoota'i ai i tagata e taumamafa i se fale'aiga ina ia faigofie ai ona tuliloa i latou uma na felaa'i ma seisi e pesia i le vairusi.
Tatala faletusi, fale mata'aga, paka e tafafao ai le fanau, malumalu tapua'i, fale teuteu tino, ae tapula'a i le to'a 20 tagata e auai iai i se taimi e tasi.
Faataga tafaoga i isi nofoaga i totonu o le Setete.
E ui i lea, o loo fautuaina pea tagata e galulue mai aiga pe a mafai..
Cafes in Melbourne are set to get busier. Source: AAP
"E taua tele i tagata i Viitoria ona silafia, e le'i soloia le faama'i lenei mai le Setete," na saunoa ai le minisita o le soifua maloloina i Vitoria, Jenny Mikakos.
"O loo iai pea i le Setete le vairusi. E faigofie ona pepesi. E taua tele ona tatou mataala iai."
O tagata e solia tulafono ma aiaiga nei, e mafai ona faasalaina i le $1,652 ae o pisinisi e o'o atu i le $9,913 le sala.
Queensland
Ua vave tatala nisi o Sa ma Vavao i Queensland ae o loo tapunia pea tua'oi o le Setete faato'a toe iloilo i le masina o Iulai.
Ua faataga tagata i Queensland ona feoa'i ma femalaga'i i totonu lava o le Setete; tatala papu, kalapu, fale'aiga ma fale kofe amata atu i le 12 i le aoauli a taeao, ae tapula'a i le to'a 20 tagata e mafai ona auai iai.
Ua faataga fo'i ona feasiasia'i tagata i isi aiga ma uo, ae tapula'a i le to'a 20 i se fale e tasi, faapena fo'i ona tapula'a i le to'a 20 tagata i fale tolegi (gyms), ma to'a 20 tagata e mafai ona maimoaina se ta'aloga i se malae.
Ae o loo tumau le palemia Setete o Queensland, Premier Annastacia Palaszczuk, e le tatalaina le tua'oi i isi Setete ma Teritori, e ui na o le to'a 5 tagata i le Setete o loo a'afia i le vairusi i le taimi nei.
"Ia maitau mai le faamatalaga lenei - e tapunia le tua'oi i le masina atoa o Iuni."
Australian Capital Territory
I le ACT, To'a 20 tagata e faataga ona taumamafa i se fale'aiga i laulau, fale kofe ma fale 'ava ua tatalaina fo'i i le tapula'a lava lea o le to'a 20 tagata.
Tatala fale mata'aga, ma isi nofoaga faitele i maimoaga i le laumua, ae tausisia pea le tapula'a lenei o le na o le to'a 20 tagata e faatagaina.
To'a 20 tagata e faatagaina i sauniga o faaipoipoga, tapua'iga, ma sauniga o maliu.
Tausisia pea le 4 Sq mita i le va mamao o tagata i pisinisi ae mana'omia fo'i le iai o le fuafuaga mo le saogalemu, se COVID Safety plan.
Gyms and health clubs can also reopen for up to 20 people at a time, but restrictions apply for unsupervised free weight training.
People in Australia must stay at least 1.5 metres away from others. Check your state’s restrictions on gathering limits.
Testing for coronavirus is now widely available across Australia. If you are experiencing cold or flu symptoms, arrange a test by calling your doctor or contact the Coronavirus Health Information Hotline on 1800 020 080.
The federal government's coronavirus tracing app COVIDSafe is available for download from your phone's app store.
SBS is committed to informing Australia’s diverse communities about the latest COVID-19 developments. News and information is available in 63 languages at .
