E to'a 830 tagata na pesia i le KOVITI-19 i NSW i le aso ua mavae. E to'atolu na maliliu ai.
O le aofa'i aupito maualuga lenei i Ausetalia atoa o tagata e pesia i se aso e tasi, ma ua oo ai i le to'a 71 tagata ua maliliu i le faama'i i le Setete.
"To each of those peoples' families, I want to express my condolences to them," Health Minister Brad Hazzard said.
O e na maliliu, o ni alii se to'alua i le va o le 60 ma le 70 tausaga le matutua, ma se tina e 'ova i le 80 tausaga le matua - o i latou uma na o le ta'itasi tui puipui na faia.
Mai le to'a 830 na pesia, e lata i le to'a 70 na feoa'i i nofoaga faitele ae o pesia i le vairusi.
E to'a 550 tagata o loo tausia i falema'i ona o le KOVITI-19, e to'a 94 o loo i potu tigaina, le Intensive Care Unit.
"The hospital capacity is still substantial," Mr Hazzard said. "We're nowhere near that point (of being overwhelmed)."
O loo faamalosia Sa ma Vavao i nu'u i tua o NSW e tau i le Aso 28 o Aukuso, ae i le taulaga tele o Sini e tau i le Aso 30 o Setema.
Additional reporting: AAP
SBS is providing live translations of daily New South Wales and Victoria COVID-19 press conferences in various languages. .
