App iba kiálla dezáin góijjedé ?
App iba loí yan acá gorazaddé ki, coronavirus kes ókkol behtor gori ót raki bola ar zeí manúic ókkol loí kontek aíccila zani raki bolla.
Zedice manúic uggwá loí mun doukka oíyo ar 1.5 m dormiyan asé ar app kulá takilé zuka zuk iba rekodh gora zaíbo ar homos hom 15 minit fan takibou.
COVIDSafe app subscribe gori fariba tuáñar kuci yé.Har uggwá Australian resident óre sorkar yé yan cuaric gorreddé ki app iba lamaí bolla.Zeiñto beci manúic yé lamaíbo eíñto asan oíbo virus ibare ót goribolla.
Sorkar ór zimmadar wala yé COVIDSafe ór data gin kengóri estamal goribou?
COVIDSafe app iba banaíyedé ekhonór manual poroses ziba sé ibar ham tes goribolla, yan tuát maze hone hone zuka zuk aíccil COVID-19 oílde manúic ókkol loí.Ummit goreddeíki poroses ibaya,fémli,fuaíjja yan oínno manúic ókkol cómaj or butore asedé itarattú virus iba faraibar cas hom goriba tara nozaniyaré.
Zedice positive test oíyede manúic iba yé ijazot dilé ar razi oíle ibar telífun ór maalumat gin uplod goribolla sirif eí halot ót mazé State ar territory ír aramiyot ór oficial yé app ibar maalumat ót kúli faribode.Aramiyot ór oficial yé app ibar maalumat estamal baná óinno manúic oré hucyari goridibolla ya test goribolla hoíbolla estamal gori faribode.
Baná COVIDSafe app iba re Australiar Sorkar yé fas góijjedé.Aro maalumat ókkol lagilé,zaí so
COVIDSafe app ór butore hondilla zatír maalumat ókkol cer goredé?
Zeíñte neíki manúic uggwá ye yé app iba lamaí bo eíñthe tarar nam,mubaíl nombor,ar poskod ar boc ór maalumat de.App ibar lamaíbar ham mukammal goribolla tara konferem goíjjedé SMS ekan faíbou.Tóibade system yé alok gori hususi kod uggwá banaí dibou.
COVIDSafe yé oínno jisis ókkollot COVIDSafe lamaíya asedé ar Bluetooth asedé iín ór siní faribou.Zeiñthe neíki appuggwá yé oínno manúic uggwá ye óre siníbou,toibade tarik,thaim,farok ar doula oíyedé thaím ar oínno manúic uggwá ye ór referens kod ót gori noút gori rakibou.COVIDSafe app yé óttu manúic iba huddur ót asedé yan ór baabote ót nogora foribou.
Australiar sorkar yé hoddeki maalumat iín neílaí baadé ,ar zar iba ók neílai baadé hefazot gori rakibo manúic ór telifun ót . Fottí 21 din baadé zukzuk oílede maalumat in manúic iín ór mubaíl ottú haçi felaíbou.Wakto iba oíldeki inkubecion ór borabor ar test gora forede thaim ór mutabek.
App estamal gorede manúic gar test positif oíle ken oíbo?
Zedice honó uggwá manúic óre COVID-19 daignos oíle,maalumat ziín lamaí diyé app óttu ar ekbar aplod goribo hususi hefazot gori maalumat rákedé zagat,iín ó zeíñthe neíki manúic gaíyé ijazot dílé.Eíñthe fitin State ar territory ír aramiyot or oficial ye ki goribo hoílé:
- app yé manúic ókkol ót gori faíjjedé iín estamal gori faribo tarar manúic tua ar ót goreddé ham ólla
- manúic ókkollore telífun gori tararé ya tarar maa baaf oré zanaí dibolla oít fare tara biyaram ibar atñe hasé aíccil
- ofiser yé ki gora foribodé yan ór baabote hoíbo zindilla neiki;
- ki ki ót gora foribou de yan
- hoñte,kengóri ar hoçe test gora forebode yan
- ki gora forebode fuaíjja re ar fémli ré biayaram ibattu dúre rakibolla
- zéí manúic gattú biyaram iba gaat oíye aramiyot ór oficial ye manúic ibar nam zahir nogoribou.
Zedice tuáñrtu tuáñár maalumat ór peraívisi ír baabote hono ekan bala nolagíle, . Iba fori só.
Australiat har uggwá manúic ottú hama oínno manúic ottú homos hom 1.5 meter dúre taka foribou ar ek fémli ya ek gor noíle bána duí zon doúla oífaribodé
Zedice tuñi buzoddeíki tuáñartu virus iba faraíyé,tuáñar daktor óre kol goro (no zaíyo) ya necional Coronavirus ór Health Information Hotline oré kol goro 1800 020 080.Zedice tuñi niyac felaí naá faille ya medikal emergensi oíle, kol goro 000.
SBS is committed to informing Australia’s diverse communities about the latest COVID-19 developments. News and information is available in 63 languages at .
Australiar majmuk cómaj oré maalumat zanaí dibolla COVID-19 ór baabote SBS yé erada góijje.Hobor ar maalumat ókkol 63 zuban ót dibolla ót
