ਆਸਟ੍ਰੇਲੀਆ ਇੱਕ ਬਹੁ-ਸੱਭਿਆਚਾਰਕ ਰਾਸ਼ਟਰ ਹੈ, ਜਿਸ ਵਿੱਚ 270 ਤੋਂ ਵੱਧ ਵੱਖੋ-ਵੱਖਰੇ ਪਿਛੋਕੜ ਦੇ ਭਾਈਚਾਰੇ ਸ਼ਾਮਿਲ ਹਨ।
ਇਹ ਦੁਨੀਆ ਦੀਆਂ ਸਭ ਤੋਂ ਪੁਰਾਣੀਆਂ ਨਿਰੰਤਰ ਸੰਸਕ੍ਰਿਤੀਆਂ ਵਿੱਚੋਂ ਇੱਕ ਹੈ ਅਤੇ 1945 ਤੋਂ ਲਗਭਗ ਸੱਤ ਮਿਲੀਅਨ ਪ੍ਰਵਾਸੀਆਂ ਦਾ ਸੁਆਗਤ ਕਰ ਚੁੱਕਾ ਹੈ।
ਆਸਟ੍ਰੇਲੀਆ ਦੀ ਨਾਗਰਿਕਤਾ ਲਈ ਅਰਜ਼ੀ ਦੇਣ ਦੇ ਕਈ ਤਰੀਕੇ ਹਨ। ਤੁਹਾਨੂੰ ਅਰਜ਼ੀ ਦੇਣ ਤੋਂ ਪਹਿਲਾਂ ਮਾਪਦੰਡ ਦੇ ਇੱਕ ਖਾਸ ਸੈੱਟ ਨੂੰ ਵੀ ਪੂਰਾ ਕਰਨਾ ਪੈਂਦਾ ਹੈ। ਨਾਗਰਿਕਤਾ ਲਈ ਦਰਖਾਸਤ ਦੇਣ ਦੇ ਸਭ ਤੋਂ ਆਮ ਤਰੀਕੇ 'ਕਨਫੈਰਲ' ਅਤੇ 'ਡਿਸੈਂਟ' ਹਨ।
ਮਾਈਗ੍ਰੇਸ਼ਨ ਵਕੀਲ ਈਵਾ ਅਬਦੇਲ-ਮਸੀਹਾ ਨੇ ਸੈਂਕੜੇ ਲੋਕਾਂ ਦੀ ਆਸਟ੍ਰੇਲੀਅਨ ਨਾਗਰਿਕਤਾ ਪ੍ਰਾਪਤ ਕਰਨ ਵਿੱਚ ਸਹਾਇਤਾ ਕੀਤੀ ਹੈ।
ਉਹ ਕਹਿੰਦੀ ਹੈ ਕਿ ਸਭ ਤੋਂ ਮਹੱਤਵਪੂਰਨ ਮਾਪਦੰਡ ਰਿਹਾਇਸ਼ ਦੀ ਜ਼ਰੂਰਤ ਨੂੰ ਪੂਰਾ ਕਰਨਾ ਹੈ।
ਨਿਵਾਸ ਲੋੜਾਂ ਨੂੰ ਪੂਰਾ ਕਰਨ ਤੋਂ ਇਲਾਵਾ, 18 ਸਾਲ ਤੋਂ ਵੱਧ ਉਮਰ ਦੇ ਆਸਟ੍ਰੇਲੀਅਨ ਨਾਗਰਿਕਤਾ ਦੇ ਬਿਨੈਕਾਰਾਂ ਨੂੰ 'ਚੰਗੇ ਚਰਿੱਤਰ' ਦਾ ਪ੍ਰਦਰਸ਼ਨ ਕਰਨਾ ਪੈਂਦਾ ਹੈ, ਜਿਸ ਨੂੰ ਸਥਾਈ ਨੈਤਿਕ ਗੁਣਾਂ ਵਜੋਂ ਪਰਿਭਾਸ਼ਿਤ ਕੀਤਾ ਗਿਆ ਹੈ।
ਇਸ ਦੇ ਨਾਲ- ਨਾਲ ਆਸਟ੍ਰੇਲੀਆ ਦੇ ਰਹਿਣ-ਸਹਿਣ, ਅੰਗਰੇਜ਼ੀ ਭਾਸ਼ਾ ਦਾ ਮੁਢਲਾ ਗਿਆਨ, ਆਸਟ੍ਰੇਲੀਆ ਬਾਰੇ ਜਾਣਕਾਰੀ ਅਤੇ ਆਸਟ੍ਰੇਲੀਅਨ ਨਾਗਰਿਕ ਹੋਣ ਦਾ ਕੀ ਮਤਲਬ ਹੈ, ਇਸ ਬਾਰੇ ਜਾਣਕਾਰੀ ਰੱਖਣਾ ਮਹੱਤਵਪੂਰਨ ਹੈ।
ਜੇਕਰ ਤੁਸੀਂ ਆਸਟ੍ਰੇਲੀਅਨ ਨਾਗਰਿਕ ਬਣਨ ਦੇ ਯੋਗ ਹੋ ਅਤੇ ਨਾਗਰਿਕਤਾ ਟੈਸਟ ਦੀ ਤਿਆਰੀ ਕਰ ਰਹੇ ਹੋ, ਤਾਂ ਤੁਹਾਨੂੰ ਆਪਣਾ ਹੋਮਵਰਕ ਕਰਨਾ ਚਾਹੀਦਾ ਹੈ।
Kevin Andrews, Minister for Immigration and Citizenship, holds a copy of the Australian Citizenship Test booklet in Melbourne, Monday, Oct. 1, 2007. (AAP Image/Andrew Brownbill) Source: AAP / ANDREW BROWNBILL/AAPIMAGE
ਇਹ ਵੱਖ-ਵੱਖ ਵਿਸ਼ਿਆਂ ਨੂੰ ਕਵਰ ਕਰਦੇ ਹਨ ਜਿਵੇਂ ਕਿ ਆਸਟ੍ਰੇਲੀਅਨ ਚਿੰਨ੍ਹ, ਇਤਿਹਾਸਕ ਘਟਨਾਵਾਂ, ਸਰਕਾਰੀ ਬਣਤਰ, ਅਤੇ ਨਾਗਰਿਕਤਾ ਦੇ ਅਧਿਕਾਰ ਅਤੇ ਜ਼ਿੰਮੇਵਾਰੀਆਂ।
ਡਿਪਾਰਟਮੈਂਟ ਆਫ਼ ਹੋਮ ਅਫੇਅਰਜ਼ ਦੀ ਵੈੱਬਸਾਈਟ ਅਧਿਕਾਰਤ ਨਾਗਰਿਕਤਾ ਟੈਸਟ ਦੇ ਸਰੋਤਾਂ ਤੋਂ ਅਧਿਐਨ ਦੀ ਤਿਆਰੀ ਕਰਨ ਦੀ ਸਿਫ਼ਾਰਸ਼ ਕਰਦੀ ਹੈ, ਜਿਸ ਨੂੰ "ਆਸਟ੍ਰੇਲੀਅਨ ਸਿਟੀਜ਼ਨਸ਼ਿਪ: ਅਵਰ ਕੌਮਨ ਬਾਂਡ" ਕਿਹਾ ਜਾਂਦਾ ਹੈ।
ਇਹ ਸਰੋਤ 40 ਭਾਸ਼ਾਵਾਂ ਵਿੱਚ ਉਪਲਬਧ ਹੈ, ਅਤੇ ਤੁਸੀਂ ਵੈੱਬਸਾਈਟ 'ਤੇ ਦਿੱਤੇ ਗਏ ਪੋਡਕਾਸਟ ਲਿੰਕ ਰਾਹੀਂ ਵੀ ਸਮੱਗਰੀ ਨੂੰ ਸੁਣ ਸਕਦੇ ਹੋ।
ਟੈਸਟ ਲਈ ਲੋੜੀਂਦੀ ਸਾਰੀ ਜਾਣਕਾਰੀ "ਅਵਰ ਕੌਮਨ ਬਾਂਡ" ਕਿਤਾਬਚੇ ਵਿੱਚ ਮੌਜੂਦ ਹੈ। ਤੁਹਾਨੂੰ ਇਸਨੂੰ ਚੰਗੀ ਤਰ੍ਹਾਂ ਸਮਝਣਾ ਚਾਹੀਦਾ ਹੈ ਅਤੇ ਇਸਨੂੰ ਯਾਦ ਕਰਨ ਵਿੱਚ ਤੁਹਾਡੀ ਮਦਦ ਲਈ ਨੋਟਸ ਲੈਣੇ ਚਾਹੀਦੇ ਹਨ।
ਤੁਸੀਂ ਮੁਫਤ ਨਾਗਰਿਕਤਾ ਟੈਸਟ ਅਭਿਆਸ ਦੀ ਪੇਸ਼ਕਸ਼ ਕਰਨ ਵਾਲੀਆਂ ਬਹੁਤ ਸਾਰੀਆਂ ਵੈਬਸਾਈਟਾਂ ਵਿੱਚੋਂ ਇੱਕ ਤੇ ਔਨਲਾਈਨ ਅਭਿਆਸ ਟੈਸਟ ਵੀ ਦੇ ਸਕਦੇ ਹੋ ਜੋ ਅਸਲ ਟੈਸਟ ਦੀ ਨਕਲ ਹੁੰਦਾ ਹੈ।
ਮਿਸ ਈਵਾ ਦਾ ਕਹਿਣਾ ਹੈ ਕਿ ਬਹੁਤ ਸਾਰੀਆਂ ਫੋਨ ਐਪਲੀਕੇਸ਼ਨਾਂ ਕੰਪਿਊਟਰਾਂ ਤੋਂ ਵੈੱਬਸਾਈਟ ਲਿੰਕਾਂ ਤੱਕ ਪਹੁੰਚ ਕਰਨ ਨਾਲੋਂ ਵਧੇਰੇ ਪਹੁੰਚਯੋਗ ਅਤੇ ਨੈਵੀਗੇਟ ਕਰਨ ਲਈ ਆਸਾਨ ਹੋ ਸਕਦੀਆਂ ਹਨ।
Ngunnawal Elder Tina Brown and Indigenous dancers perform at the flag raising and Citizenship ceremony at Lake Burley Griffin on January 26, 2020 in Canberra, Australia. Indigenous Australians refer to the day as 'Invasion Day' and there is growing support to change the date to one which can be celebrated by all Australians. (Photo by Wendell Teodoro/Getty Images) Credit: Wendell Teodoro/Getty Images
ਸਿਟੀਜ਼ਨਸ਼ਿਪ ਟੈਸਟ ਤੁਹਾਨੂੰ ਮਹੱਤਵਪੂਰਨ ਆਸਟ੍ਰੇਲੀਅਨ ਸਮਾਗਮਾਂ ਬਾਰੇ ਪੁੱਛਗਿੱਛ ਕਰੇਗਾ, ਅਤੇ ਇਸ ਵਿੱਚ ਅਕਸਰ ਸਵਦੇਸ਼ੀ ਅਤੇ ਬਹੁ-ਸੱਭਿਆਚਾਰਕ ਆਸਟ੍ਰੇਲੀਅਨ ਲੋਕਾਂ ਦੇ ਯੋਗਦਾਨ ਸ਼ਾਮਲ ਹੁੰਦੇ ਹਨ।
ਟੈਸਟ ਸਿਰਫ਼ ਅੰਗਰੇਜ਼ੀ ਵਿੱਚ ਉਪਲਬਧ ਹੈ। ਇਸ ਲਈ, ਤੁਹਾਨੂੰ ਭਾਸ਼ਾ ਨੂੰ ਚੰਗੀ ਤਰ੍ਹਾਂ ਸਮਝਣਾ ਚਾਹੀਦਾ ਹੈ।
ਤੁਸੀਂ ਪ੍ਰਸ਼ਨਾਂ ਨੂੰ ਸਮਝਣ ਵਿੱਚ ਮਦਦ ਕਰਨ ਲਈ ਪੜ੍ਹਨ ਦਾ ਅਭਿਆਸ ਕਰ ਸਕਦੇ ਹੋ ਅਤੇ ਜ਼ਰੂਰੀ ਸ਼ਬਦਾਵਲੀ ਨਾਲ ਆਪਣੇ ਆਪ ਨੂੰ ਜਾਣੂ ਕਰਵਾ ਸਕਦੇ ਹੋ।
ਮਿਸ ਈਵਾ ਨੇ ਕੁਝ ਆਮ ਗਲਤੀਆਂ ਜਾਂ ਕਮੀਆਂ ਵੀ ਸਾਂਝੀਆਂ ਕੀਤੀਆਂ ਹਨ ਜਿਨ੍ਹਾਂ ਤੋਂ ਬਿਨੈਕਾਰਾਂ ਨੂੰ ਨਾਗਰਿਕਤਾ ਟੈਸਟ ਵਿੱਚ ਬੈਠਣ ਵੇਲੇ ਧਿਆਨ ਰੱਖਣਾ ਚਾਹੀਦਾ ਹੈ।
ਉਹ ਬਿਨੈਕਾਰਾਂ ਨੂੰ ਸਵਾਲਾਂ ਨੂੰ ਧਿਆਨ ਨਾਲ ਪੜ੍ਹਨ, ਸਮਾਂ ਸੀਮਾ ਦੇ ਅੰਦਰ ਰਹਿਣ ਅਤੇ ਜਵਾਬ 'ਤੇ ਕਲਿੱਕ ਕਰਨ ਲਈ ਜਲਦਬਾਜ਼ੀ ਤੋਂ ਬਚਣ ਦੀ ਸਲਾਹ ਦਿੰਦੀ ਹੈ।
ਜੇਕਰ ਤੁਹਾਨੂੰ ਗ੍ਰਹਿ ਮਾਮਲਿਆਂ ਦੇ ਵਿਭਾਗ ਦੀ ਵੈੱਬਸਾਈਟ 'ਤੇ ਅਧਿਐਨ ਸਮੱਗਰੀ ਨੂੰ ਨੈਵੀਗੇਟ ਕਰਨ ਅਤੇ ਤੁਹਾਡੀ ਅੰਗਰੇਜ਼ੀ ਨੂੰ ਸੁਧਾਰਨ ਵਿੱਚ ਮਦਦ ਦੀ ਲੋੜ ਹੈ, ਤਾਂ ਤੁਸੀਂ ਮਦਦ ਲਈ ਬਹੁਤ ਸਾਰੀਆਂ ਸਥਾਨਕ ਭਾਈਚਾਰਕ ਸੰਸਥਾਵਾਂ ਵਿੱਚੋਂ ਕਿਸੇ ਇੱਕ ਨਾਲ ਸੰਪਰਕ ਕਰ ਸਕਦੇ ਹੋ।
An Australian citizenship recipient holds his certificate during a citizenship ceremony on Australia Day in Brisbane, Thursday, Jan. 26, 2017. (AAP Image/Dan Peled) Source: AAP / DAN PELED/AAPIMAGE
ਇਹਨਾਂ ਸੰਸਥਾਵਾਂ ਵਿੱਚ ਅਕਸਰ ਤਜਰਬੇਕਾਰ ਇੰਸਟ੍ਰਕਟਰ ਹੁੰਦੇ ਹਨ ਜੋ ਸਾਰੀ ਪ੍ਰਕਿਰਿਆ ਦੌਰਾਨ ਮਾਰਗਦਰਸ਼ਨ ਅਤੇ ਸਹਾਇਤਾ ਪ੍ਰਦਾਨ ਕਰ ਸਕਦੇ ਹਨ।
ਸਿਡਵੈਸਟ ਤੋਂ ਵਿੱਕੀ ਹਾਈਨ ਦੱਸਦਾ ਹੈ ਕਿ ਕਿਵੇਂ ਉਨ੍ਹਾਂ ਦੇ ਕੋਰਸਾਂ ਨੇ ਬਹੁਤ ਸਾਰੇ ਨਵੇਂ ਪ੍ਰਵਾਸੀਆਂ, ਸ਼ਰਨਾਰਥੀਆਂ ਅਤੇ ਸਥਾਈ ਨਿਵਾਸੀਆਂ ਨੂੰ ਨਾਗਰਿਕਤਾ ਪ੍ਰੀਖਿਆ ਲਈ ਤਿਆਰ ਕਰਨ ਵਿੱਚ ਮਦਦ ਕੀਤੀ ਹੈ।
ਇਹ ਕੋਰਸ ਹਰ ਪਿਛੋਕੜ ਦੇ ਪ੍ਰਵਾਸੀਆਂ ਲਈ ਖੁੱਲ੍ਹਾ ਹੈ।
ਸਿਡਵੈਸਟ ਨੇ 2014 ਵਿੱਚ ਪੱਛਮੀ ਸਿਡਨੀ ਵਿੱਚ ਪਹਿਲੀ ਨਾਗਰਿਕਤਾ ਸ਼੍ਰੇਣੀ ਦੀ ਸਥਾਪਨਾ ਕੀਤੀ ਸੀ।
ਮਿਸ ਹਾਇਨ ਦੱਸਦੀ ਹੈ ਕਿ ਉਦੋਂ ਤੋਂ ਲੈਕੇ ਹੁਣ ਤੱਕ ਸੈਂਕੜੇ ਲੋਕ ਸਫਲਤਾਪੂਰਵਕ ਆਪਣੇ ਟੈਸਟ ਪਾਸ ਕਰ ਚੁੱਕੇ ਹਨ ਅਤੇ ਨਾਗਰਿਕਤਾ ਸਰਟੀਫਿਕੇਟ ਪ੍ਰਾਪਤ ਕਰ ਚੁੱਕੇ ਹਨ।
ਤੱਥਾਂ ਅਤੇ ਅੰਕੜਿਆਂ ਨੂੰ ਯਾਦ ਕਰਨ ਤੋਂ ਇਲਾਵਾ, ਆਸਟ੍ਰੇਲੀਅਨ ਸੱਭਿਆਚਾਰ ਨੂੰ ਅਪਣਾਉਣ ਨਾਲ ਰਾਸ਼ਟਰ ਅਤੇ ਇਸ ਦੀਆਂ ਕਦਰਾਂ-ਕੀਮਤਾਂ ਬਾਰੇ ਤੁਹਾਡੀ ਸਮਝ ਵਧੇਗੀ।
ਇਸ ਬਾਰੇ ਹੋਰ ਜਾਣਕਾਰੀ ਲਈ ਉੱਪਰ ਦਿੱਤੇ ਆਡੀਓ ਬਟਨ ‘ਤੇ ਕਲਿੱਕ ਕਰੋ।
