ਆਸਟ੍ਰੇਲੀਆ ਦੇ ਸ਼ਹਿਰ ਮੈਲਬਰਨ ਵਿੱਚ ਵੱਸਦੇ ਇੱਕ ਭਾਰਤੀ ਪਰਵਾਸੀ ਦਾ ਕਹਿਣਾ ਹੈ ਕਿ ਉਸਦੀ ਕਾਰ ਤੇ ਕਿਸੇ ਸ਼ਰਾਰਤੀ ਅਨਸਰ ਵੱਲੋਂ ਇੱਕ ਨਸਲੀ ਲਿਖਿਆ ਨੋਟ ਛੱਡਿਆ ਗਿਆ ਹੈ।
24 ਸਾਲ ਦਾ ਓਂਕਾਰ ਸਿੰਘ ਮੈਲਬਰਨ ਦੇ ਦੱਖਣ ਪੂਰਬੀ ਇਲਾਕੇ ਮੈਂਟੋਨ ਦੇ ਇੱਕ ਸ਼ੋਪੰਪਿੰਗ ਸੈਂਟਰ ਦੇ ਇੱਕ ਫਾਸਟ ਫ਼ੂਡ ਰੈਸਟੋਰੈਂਟ ਤੇ ਆਪਣੀ ਸ਼ਿਫਟ ਖਤਮ ਕਰਕੇ ਮੰਗਲਵਾਰ ਰਾਤ ਨੂੰ ਘਰ ਜਾਨ ਦੀ ਤਿਆਰੀ ਕਰ ਰਿਹਾ ਸੀ ਜਦੋਂ ਉਸਨੂੰ ਇਹ ਨੋਟ ਆਪਣੀ ਕਰ ਤੇ ਮਿਲਿਆ।
ਨੋਟ ਤੇ ਲਿਖਿਆ ਸੀ : ਇੰਡੀਅਨਸ ਗੋ ਬੈਕ ਹੋਮ ਨਾਓ।
ਓਂਕਾਰ ਨੇ ਐਸ ਬੀ ਐਸ ਪੰਜਾਬੀ ਨੂੰ ਦੱਸਿਆ ਕਿ ਪਹਿਲਾਂ ਉਸਨੂੰ ਇੰਜ ਲੱਗਿਆ ਜਿਂਵੇ ਕਿ ਇਹ ਇੱਕ ਪਾਰਕਿੰਗ ਟਿਕਟ ਹੋਵੇ। ਪਰ ਓਂਕਾਰ ਮੁਤਾਬਿਕ ਇਹ ਨੋਟ ਉਸ ਲਈ ਕਾਫੀ ਹੈਰਾਨ ਕਰਨ ਵਾਲਾ ਸੀ।
Mr Singh found this note on his car on Tuesday night. Source: Supplied
ਇਸ ਸਾਲ ਫਰਵਰੀ ਮਹੀਨੇ ਵਿੱਚ ਮੈਂਟੋਨ ਨੇ ਨਾਲ ਲੱਗਦੇ ਇਲਾਕੇ ਮੁਰਾਬਿਨ ਵਿੱਚ ਇੱਕ ਹੋਰ ਭਾਰਤੀ ਪਰਵਾਸੀ ਦੀ ਕਰ ਤੇ ਅਜਿਹਾ ਹੀ ਨਸਲੀ ਟਿੱਪਣੀ ਲਿਖਿਆ ਨੋਟ ਮਿਲਿਆ ਸੀ। ਉਸ ਨੋਟ ਉੱਪਰ ਲਿਖਿਆ ਹੋਇਆ ਸੀ : ਏਸ਼ੀਅਨਸ ਆਊਟ, ਇੰਡੀਅਨਸ ਆਊਟ , ਆਸਟ੍ਰੇਲੀਆ ਇਜ਼ ਫੁਲ।
ਉਸ ਵੇਲੇ ਵਿਕਟੋਰੀਆ ਦੇ ਪ੍ਰੀਮੀਅਰ ਡੈਨੀਅਲ ਐਂਡ੍ਰਿਊਜ਼ ਨੇ ਇਸ ਘਟਨਾ ਦੀ ਸਖਤ ਨਿਖੇਧੀ ਕੀਤੀ ਸੀ।
ਓਂਕਾਰ ਦਾ ਕਹਿਣਾ ਹੈ ਕਿ ਹੋ ਸਕਦਾ ਹੈ ਕਿ ਉਸਨੂੰ ਜਾਨ ਬੁਝ ਕੇ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੋਵੇ।
ਫਰਵਰੀ ਮਹੀਨੇ ਵਿੱਚ ਮਿਲਿਆ ਨੋਟ ਅਤੇ ਮੰਗਲਵਾਰ ਨੂੰ ਓਂਕਾਰ ਦੀ ਗੱਡੀ ਤੇ ਮਿਲਿਆ ਨੋਟ ਇੱਕ ਹੀ ਵਿਅਕਤੀ ਦੁਆਰਾ ਲਿਖੇ ਲੱਗਦੇ ਹਨ। ਦੋਹਾਂ ਹੇਠ ਲਿਖਤ ਨੋਟਾਂ ਵਿੱਚ ਲਿਖਾਈ ਇੱਕ ਦੂਜੇ ਨਾਲ ਮਿਲਦੀ ਹੈ।
The note left on an Indian migrant's car in February (left) and the one Mr Singh found on his car on Tuesday night (right). Source: Supplied
"ਮੈਨੂੰ ਨਹੀਂ ਪਤਾ ਕਿ ਕੋਈ ਮੇਰੇ ਨਾਲ ਅਜਿਹਾ ਕਿਉਂ ਕਰ ਰਿਹਾ ਹੈ। ਪਰ ਉਹ ਜੋ ਕੋਈ ਵੀ ਹੈ, ਉਸਨੂੰ ਮੇਰੇ ਬਾਰੇ ਪਤਾ ਹੈ ਕਿ ਮੈਂ ਭਾਰਤੀ ਹਾਂ।
"ਅੱਜ ਮੇਰੀ ਗੱਡੀ ਤੇ ਨੋਟ ਮਿਲਿਆ ਹੈ, ਹੋ ਸਕਦਾ ਹੈ ਕਲ੍ਹ ਮੇਰੀ ਗੱਡੀ ਨੂੰ ਨੁਕਸਾਨ ਪਹੁੰਚਾਉਣ ਦੀ ਕੋਸ਼ਿਸ਼ ਕੀਤੀ ਜਾਵੇ।"
Onkar Singh says he is shocked at the racist note left on his car. Source: Supplied
ਓਂਕਾਰ ਸਿੰਘ ਨੇ ਇਸ ਮਾਮਲੇ ਦੀ ਸ਼ਿਕਾਇਤ ਵਿਕਟੋਰੀਆ ਪੁਲਿਸ ਨੂੰ ਦਿੱਤੀ ਹੈ ਜੋ ਕਿ ਸ਼ੋਪੰਪਿੰਗ ਸੈਂਟਰ ਵਿੱਚ ਲੱਗੇ ਕੈਮਰਿਆਂ ਦੀ ਜਾਂਚ ਕਰ ਰਹੀ ਹੈ।
