د اسټراليا لرې پرتو سيمو کې د ميشتولو ادره يا Regional Opportunities Australia له لويو ښارونو څخه لرې پرتو سيمو کې مهاجر او کډوال ميشتوي.
دا مهال د اسټراليا لرې پرتې سيمې يا دويم درجه ښارګوټي ډيرو کاريګرو ته اړتيا لري ترڅو کرنې او مالدارۍ ترڅنګ ځينو نورو مهمو برخو کې کار وکړي.
د اسټراليا لرې پرتو سيمو کې ميشتولو ادارې يا ROA مشر ماهر مومند وايي، اوس يو طلايي فرصت دی ترڅو مهاجر او کډوال لرې پرتو سيمو کې کارونه ترلاسه کړي ترڅو وشي کولی د اسټراليا دايمي ويزه ترلاسه کړي.
د ښاغلي مومند په وينا لرې پرتو سيمو کې په دومره شمير کاري فرصتونه تل نه وي ځکه د کرونا ويروس وبا وروسته بيا هم لويو ښارونو کې د کار موندل به ستونزمن وي.
داسې اټکل کيږي چې که لنډمهاله يا Bridging ويزو لرونکي لرې پرتو سيمو کې اوږدمهاله کار وکړي نو دوی کولی شي ترڅو د اسټراليا دايمي ويزه ترلاسه کړي.
Source: Supplied
د ښاغلي مومند په وينا د اسټراليا پارلمان يوه کميټه پر هغه پلان کار کوي ترڅو کډوال چې لنډمهاله ويزې لري هغوی لرې پرتو سيمو کې ميشت کړي او کار کولو وروسته ورته د اسټراليا دايمي ويزې ورکړي.
که چيرې دا قانوني بڼه غوره کړي نو بيا لرې پرتو سيمو ته زرګونه کډوال مخه کړي او هغه وخت کې کيدای شي کاري فرصتونه لږ شي.
اسټراليا کې دا مهال شاوخوا يو نيم ميليون کسان بې کاره دي.
داچې تاسې څنګه لرې پرتو سيمو کې کار ترلاسه کولی شئ او آيا دا کار به مو دايمي وي او که نه دا ټول مو له ښاغلي ماهر مومند څخه پوښتي چې تاسې بشپړه مرکه دلته اوريدلی شئ.
