د لوی اختر فضيلتونه او پر مسلمان باندې د ياد اختر لمانځلو احکام په اسلام کې ښکاره دي، ولې د کرونا وبا راتګ سره د اسټراليا لويو ښارونو په ګډون د نړۍ ځينو نورو هيوادونو کې محدوديتونه پر خپل ځای دي او مسلمانان نشي کولی اختر لکه پخوا ولمانځي.
ډاکټر افتخار احمد، د اسټراليا ملبورن ښار کې د افغانانو اسلامي مرکز مشر او د عمر فاروق جومات خطيب دی.
ښاغلي له اس بي اس پښتو خپرونې سره په ځانګړې مرکه کې د لوی اختر پر فضيلتونو او هم په اوسنيو شرايطو کې يو مسلمان څنګه اختر لمانځلی شي پر يادو برخو رڼا اچولې.
که تاسې د کرونا ويروس بنديزونو له امله قرباني نشی کولی او يا اختر نشی لمانځلی نو څه بايد وکړئ او څنګه تاسې د هر څه اجر ترلاسه کولی شئ.
د اسټراليا لويو ښارونو سيدني او ملبورن کې د نوو قوانينو له مخه او د کرونا ويروس خپريدو مخنيوي لپاره بايد په کور کې پاټې شئ او يوازې ضروري کارونو لپاره له کوره بهر وتلو اجازه لرئ.
ډاکټر افتخار احمد وايي، مسلمانان بايد خپل نفس وساتي او چاته ويروس ورکړې او يا ځانته اخيستلو برخه کې دې له کبيره ګناه څخه ځان وژغوري.
تاسو لا ډير مهم معلومات په بشپړه مرکه کې اوريدلی شئ.
