افغانستان کې د نظام چټک بدلون نړۍ له حيرانتيا سره مخ کړه او ډير څه له تمې لرې وشول.
دا سوال د ډيرو افغانانو په ذهن کې دی چې دا هرڅه څنګه او ولې وشول.
د سياسي چارو شنوونکی د پارلمان پخوانی استازی معين مرستيال وايي، که ولسمشر غني کابل کې پاتې شوی وای نو د ځينو کړيو لخوا وژل کيده.
نوموړي له اس بي اس سره خبرو دوران کې وويل، طالبانو افغانستان کې واک د زور له لارې ندی ترلاسه کړی بلکې د افغان پوځ نه جګړه دوی ته قدرت په لاس ورکړ.
افغان پوځ ولې جګړه ونه کړه.
د ښاغلي مرستيال په وينا، د افغان پوځ او بيا په ځانګړي ډول کومانډو قومندانانو سره بريښي چې له پخوا هوکرې او کار شوی وه ځکه د همدې کړيو لخوا شپې به امنيتي کسانو ته سپارښتنه کيده چې جګړه مه کوئ او تسليم شئ.
آيا د يادو سپارښتنو شاته د پخواني ولسمشر يا ارګ لاس وه، ښاغلی مرستيال وايي، داسې بريښي چې محمد اشرف غني لدې مسايلو بې خبره ساتل شوی وه.
داچې د افغانستان پخواني حکومت ولې واک په منظم ډول طالبانو ته ونه سپاره او پخوانی ولسمشر غني د چا لخوا وژل کيدای شو، دا ټول پدې بشپړې مرکې کې واورئ.
