داچې روژه کله ده او يا اختر کله دی څوک سپوږمۍ په سترګو ګوري او څوک يې نوو ټيکنالوژۍ له الو سره ګوري دا ټول د مسلمانانو ترمينځ بحثونه او تر يو حده اختلافات زيږوي.
اسټراليا کې ديني عالم او د اسټراليا د امامانو ملي شورا غړی ډاکټر افتخار احمد وايي،" اسټراليا کې د امامانو ملي شورا او د هغې فتوا څانګه خپلې پريکړې د فلکي ادارو معلوماتو پر بنسټ کوي."
دا ادارې د مياشت راختو او لويدو بحير ټکنالوژي کارونې سره کوي کوم چې ډير دقيق معلومات له يادې شورا سره شريکوي او تر اوسه د يادې شورا هيڅ يو اعلان غلط ندی ثابت شوی.
ډاکټر افتخار احمد دا مساله د دين په را کې روښانه کوي او وايي، دې کار ته جواز شته او لدې سره کولی شي يادې مسالې برخه کې د مسلمانانو ترمينځ يووالی هم رامينځته کړي.
بله خوا د امامانو ملي شورا فتوا صادره کړه چې پکې د اختر لمونځ کور کې جواز ګرځول شوی.
ښاغلی ډاکټر افتخار وايي، اوسني شرايطو ته په کتو مسلمانان کولی شي د نه لمونځ پر ځای د اختر لمونځ په خپلو کورونو کې ادا کړي.
د کويډ-۱۹ له امله د نړۍ ډيرو هيوادونو کې ځيني بنديزونه پر خپل ځای دي او له مسلمانانو هم غوښتل شوي ترڅو له شته قوانينو او بنديزونو څخه سر غړونه ونه کړي، ولې ډاکټر افتخار احمد وايي، که مسلمانان له شته قوانينو سر غړونه وکړي او يا خپله بيمار شي او يا ددوی له وجې بل کس بيمار شي نو دا ځانته او بل ته تاوان رسول شميرل کيږي کوم چې اسلام کې د ګناه حيثيت لري.
Source: Supplied
دا او نور ډير مهم معلومات په مرکه کې واورئ.
