له جون مياشت راهيسې د اسټرليا نيو ساوت ويلز ايالت د کرونا ويروس ډيلټا Delta ډول په لمن کې دی او هره ورځ له سلو ډيرې پيښې ياد ايالت کې ريکارډ کيږي.
د کرونا ويروس ډيلټا ډول چې لومړي ځل لپاره هند کې موندل شوی دا مهال سيدني ښار کې ټولنې غړو ترمينځ خپريږي او اوسيدونکي يې له ستر روغتيايي ناورين سره مخ کړي.
د سيدني ښار روغتيا برخې مشرې د جمعې په ورځ په سيدني ښار کې روغتيايي حالت بحراني اعلان کړ او ياد ايالت کې روغتيايي حالت ته بيړنی نوم ورکړل شو.
سيدني ښار کې ميشت ډاکټر رحمن شينواري له اس بي اس پښتو سره مرکه کې ويلي، د کرونا ويروس Delta ډول ځوانان او زاړه دواړه وژني او هغوی ته جدي روغتيايي ستونزې پيښولی شي.
ښاغلي له ټولو افغانانو او په ځانګړي ډول پښتنو غوښتي چې ويروس ټوکه مه ګڼئ او شته قوانين مراعت کړئ.
بله خوا د نيو ساوت ويلز ايالت چارواکي وايي، شته محدوديتونو ترڅنګ د ټولنې غړو واکسين کيدل کولی شي د کرونا ويروس خپريدو مخنيوي کې مرسته وکړي.
Source: Supplied
ډاکټر اسلم شينواری وايي، واکسين کولو سره د خطر کچه له کولو ډيره ټيټه ده او ټول افغانان هڅوي ترڅو کرونا ويروس ضد واکسين ترلاسه کړي مخکې لدې چې بيا وخت تير وي او دوی په کرونا ويروس اخته شي.
تاسو ته مو په اسټراليا کې او بيا په ځانګړي ډول سيدني ښار کې د کرونا ويروس حالت راخيستی او داچې افغانان او پښتانه ياد ويروس پر وړاندې څنګه عمل کوي، دا ټول پدې بشپړې مرکه کې واورئ.
