افغانستان کې روان سياسي او امنيتي حالت کړکيچن دی او د ځينو شنونکو په وينا د افغانستان راتلونکي په اړه هيڅوک ښکاره دريځ نشي غوره کولی.
افغانستان کې د جګړې شدت او د طالبانو پرمختګ ځيني سوالونه پيدا کړي، ځکه د ځينو شنونکو په وينا د طالبانو پرمختګ پر وړاندې د نړيوالو خاموشي حيرانوونکی ده.
سياسي چارو شنونکی او د افغانستان د پارلمان پخوانی غړی معين مرستيال له اس بي اس پښتو خپرونې سره خبرو پر مهال وويل، افغانستان کې د سولې خبرې اوس په جګړې خبرو بدلې شوي، چې دا خپل د شا تګ نښه ده.
ښاغلی وايي، د امريکايي ځواکونو ويستلو نيټه يوه مياشت مخې ته کول اصل کې د افغانستان پر حالاتو اړه نه لري بلکې دا د امريکا داخلي سياست ته په کتو يوه پريکړه وه چې د امريکا ولسمشر جو بايډن څو ورځې مخکې اعلان کړه.
د افغانستان حکومتي پلاوي امريکا ته سفر او بيا وروسته جو بايډن لخوا افغانستان په اړه وينا کې يو څه چې ډير ښکاره و هغه د مسوليت سپارل افغانانو ته او د افغانانو نه يووالي څخه د امريکايي چارواکو سر ټکول ول.
سياسي چارو شنونکی معين مرستيال Source: Supplied
بله خوا امريکا تل د افغانستان نظام څخه ملاتړ څرګند کړی او حکومت څخه يې ښکاره د ملاتړ دريځ ندی څرګند کړی چې دې کار هم د افغانستان حکومت له ستونزو سره مخ کړی.
ښاغلی معين مرستيال وايي، که طالبانو له امريکا سره پټ جوړجاړی نه وي کړای نو هغوی نشي کولی افغانستان باندې واک ترلاسه کړي.
تاسو ته مو د افغانستان روان حالت ژور څيړلی، دا او نور مهم معلومات پدې مرکه کې اوريدلی شئ.
