Key Points
- د کرونا ويروس وبا له ۶.۹ ملیون څخه ډیر خلک وژلي دي.
- د روغتیا نړیوال سازمان ملګرو ملتونو ته سپارښتنه کړې چې د نړیوالې اندیښنې عامه روغتیا بیړني حالت پای ته ورسوي.
د روغتیا نړیوال سازمان وايي کوويډ-۱۹ نور د نړیوال روغتیا بیړني حالت استازیتوب نه کوي ، د وبا د پای ته رسیدو په لور یو سمبولیک ګام په نښه کوي چې له 6.9 ملیون څخه ډیر خلک یې وژلي ، نړیوال اقتصاد یې ګډوډ کړی او ټولنې یې ویجاړې کړې.
In London, people visit the National COVID Memorial Wall, a tribute to those who died from coronavirus. Source: AAP
يادې ادارې د ملګرو ملتونو ادارې ته وړاندیز وکړ چې د نړیوالې اندیښنې د عامې روغتیا بیړني حالت پای ته ورسوي ، کوم چې له دریو کلونو راهیسې شتون لري.
د روغتیا نړیوال سازمان عمومي رییس ټیډروس اډانوم غیبریوس وویل: "له همدې امله له ډير هيلې سره دا علان کووم چې د کوويډ-۱۹ نړيوالې وبا بيړنۍ روغتيايي حالت پای ته ورسيد، ولي خطر لا هم شتون لري.
د نړیوال روغتیا بیړني اعالمیه څه معنی لري؟
د روغتیا نړیوال سازمان اضطراري کمیټې لومړي ځل لپاره په کال ۲۰۲۰ جنورۍ مياشت پر ۳۰ نيته اعلان وکړ چي کوويډ-۱۹ يو نړيوال روغتيايي بيړنۍ حالت دی.
بيړنۍ وضعیت د روغتیا ګواښ په اړه د نړیوالې پاملرنې تمرکز او همدارنګه د واکسینونو او درملنې په اړه د همکارۍ پیاوړتیا کې مرسته کوي.
د نړیوال روغتیا اضطراري ادارې مشر دیدیر هوسین وویل، د کوويډ-۱۹ اضطراري حالت پای ته رسولو پریکړه د کمیټې د اکثریت غړو لخوا يې ملاتړ شوې ،
د دې حالت نورماله ښودل اصل کې د نړۍ د پرمختګ نښه ده مګر کوويډ-۱۹لا اوس هم شتون لري، حتی که دا له نړيوال بيړني حالت څخه بهر وځي ولې بيا هم کوويډ-۱۹ شتون لري او د خلکو ژوند اخلي.
Healthcare workers administer COVID-19 tests at a drive through test centre in Liverpool, Sydney. Source: AAP / AAP Image/Bianca De Marchi
د WHO د معلوماتو له مخې، د پراخ واکسین کولو، د غوره درملنې شتون او د نفوس د معافیت کچه د مړينې ټيټه کچه منعکس کوي.
د کوويډ-۱۹ بيړني حالت پای ته رسول څه معنی لري؟
د بړني حالت پای ته رسیدل پدې معنی کیدی شي چې د نړیوالې همکارۍ یا تمویل هڅې هم پای ته ورسيږي يا په تمرکز کې بدلون راشي.
د WHO ادارې د بيړنيو حالتونو سره مبارزې مشر مايک ريان وايي، لا اوس هم نړۍ روغتيا سيسټم کې کمښت شتون لري او دا بايد سم شي، ترڅو کرونا ويروس او نورو ويروسونو رامينځته کيدو پر وړاندې ګټوره مبارزه وشي.
