په ترکيه او سوريه کې ژورې زلزلې تر اوسه ۱۵،۰۰۰ کسان وژلي او زرګونه نور ټپيان دي.
سړې هوا او د ويجاړي ډيروالي له امله د مرستې رسولو او ژغورنې چارې اغيزمنې شوي، د ترکیې ولسمشر رجب طیب اردوغان د چهارشنبه په ورځ وروسته د خپل حکومت باندې انتقاد منلو وروسته "نیمګړتیاوې"هم ومنلې.
د ناورین پراخه پیمانه چې په زرګونو ودانۍ یې نړولې او نامعلوم شمیر خلک ګنډوالو کې بند پاتې، لدې ټولو سره د یخنۍ هوا له امله د مرستې عملیات له خنډ سره مخ دي.
بیا هم، پلټونکي د ۷.۸ درجې زلزلې څخه درې ورځې وروسته له ملبو څخه ژوندي پاتې شوي کسان راباسي.
لکه څنګه چې په ټولنيزو رسنيو کې د ترکيه حکومت باندې نيوکې زیاتې شوي، ښاغلي اردوغان یو له سخت ځپلو ځایونو څخه لیدنه وکړه او د نيوکو په ځواب کې یې ستونزې ومنلې.
هغه وويل: "البته، نيمګړتياوې شته، شرايط روښانه دي. دا ممکنه نه ده چې داسې ناورين ته چمتو واوسو."
ترکيه او سوريه کې د ۷.۸ درجې ژورې زلزلې وروسته زرګونه کسان وژل شوي Source: AFP, Getty / Aaref Watad
د ترکیې د ناورین په سیمه کې ډیری خلک په خپلو موټرو یا کوڅو کې د کمپلو لاندې ویده وو ، د ۷.۸ درجې زلزلې په ترکيه کې له ۱۹۹۹ کال راهيسې تر ټولو مرګونې ده.
د اسټراليا لومړي وزير ښاغلي البنيزي د چهارشنبه په ورځ څرګنده کړه چې د بهرنیو چارو او سوداګرۍ وزارت (DFAT) به د روانۍ پای پورې ۷۲ کسيزه ژغورنې ټیم ترکيه ته واستوي.
ښاغلي وویل اسټراليايي ټیم " روزل شوی" ترڅو ژوندي پاتې شوي کسان ومومي، طبي مرستې ورسوي، او هغه خلک وژغوري چې لا تر اوسه د کنډوالو لاندې بند پاتې دي.
——————————————————-
