Key Points
- دې اقدام د کرملین غوسه راپارولې ده.
- ښاغلی پوتین د نړۍ دریم ولسمشر دی چې د ICC لخوا يې د نیولو امر صادر شوی دی.
- دا ناشونې ده چې ښاغلی پوتین به ژر محکمې ته حاضر شي.
د جرمونو نړیوالې محکمې (ICC) د جمعې په ورځ د روسیې د ولسمشر ولادیمیر پوتین د نیولو امر صادر کړ، پر ولسمشر پوتين جنګي جرم تور دی چې هغه له اوکراین څخه د ماشومانو د غیرقانوني شړلو عمل ترسره کړی.
د يادې محکمې پريکړه په کرملین کې د قهر لامل شوې.
ښاغلی پوتین د سوډان له عمر البشیر او د لیبیا له معمر القذافي وروسته یوازې دریم ولسمشر دی چې د ICC لخوا د هغه د نیولو امر صادر شوی دی.
مسکو په مکرر ډول دا تورونه رد کړي چې د دوی ځواکونو د یرغل پرمهال ظلمونه کړي دي.
ICC د ماشومانو د غیرقانوني شړلو او د اوکراین له خاورې څخه د روسیې فدراسیون ته د خلکو د غیرقانوني لیږد په شک کې دا حکم صادر کړ.
اوس څه کیږي؟
پداسې حال کې چې دا امکان نلري چې ښاغلی پوتین به ژره محکمې ته حاضر شي، د حکم معنی دا ده چې هغه د ICC کوم غړیو هیوادونو ته سفر کولو په صورت کې نیول کیدی شي او هاګ ته چې دا محکمه هلته موقير لري استول کيدی شي.
د پخواني ولسمشر بارک اوباما په واکمنۍ کې د جنګي جرمونو په چارو کې د امریکا لوی سفیر سټیفن ریپ وویل: "دغه کار پوتین داسې حالت سره مخوي چې که هغه سفر وکړي نو د نیول کېدو خطر سره مخ کيږي او دا خطر به تل پاتې وي.
دغه قانوني اقدام په مسکو کې توند غبرګونونه راوپارول
په ټیلیګرام کې د ولسمشر نږدې متحد د پارلمان رییس ویاچسلاو ولدین لیکلي " له پوتين څخه لاسونه لرې وساتئ!" ، چې دا اقدام د لویدیځ "ليونتوب" ثبوت دی.
هغه وویل، «موږ د روسیې د فدراسیون پر ولسمشر هر ډول برید د خپل هېواد پر وړاندې د تېري په توګه ګڼو.
د اوکراين ولسمشر زيلينسکي د جرمونو نړيوالې محکمې پريکړه ستايلې او دا يې تاريخي پريکړه ګڼلې.
ښاغلي زيلينسکي پر ولسمشر پوتين تور پورې کړی چې زرګونه اوکرايني ماشومان يې ډيپورټ کړي.
———————————————————————————
ته ولاړ شئ.
زمونږ خپرونه دلتهیا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن پهوړیاتوګه له یا څخه ترلاسه کړئ.
