سکاټ موريسن انديښنه څرګنده کړې چې هغه ټول هغه کسان کوم چې د کار نه شتون له امله له حکومت څخه ښې پيسې اخلي اوس زړه نه ښه کوي چې بيرته کار پيل کړي.
سکاټ موريسن د کرونا ويروس وبا دوران کې له اسټراليايانو سره مرستې لپاره يې وزګارو کسانو لپاره د حکومتي پيسو مرستې رقم دوه برابره کړ او حکومت ژمنه وکړه ترڅو د سيپټمبر مياشت تر پايه به يادو کسانو ته د مياشتې تر ۳۰۰۰ ډالرو ورکول کيږي.
دا مهال اسټراليا کې حالت لږ څه ښه بريښي او ډيري کاروبارونه بيرته پرانيستل شوي ولې د حکومتي چارواکو په وينا، بې کاره کسان زړه نه ښه کوي ترڅو بيرته کار پيل کړي او حکومتي پيسو ترلاسه کولو ته ادامه ورکوي.
لومړي وزير سکاټ موريسن له 2GB راډيو سره مرکې دوران کې وويل، "مونږ له کوچنيو او لويو کاروبارونو څخه اورو چې هغوی د کاريګرو له کمښت سره مخ دي او په اسانۍ کاريګر نشي موندلی."
ښاغلي موريسن وويل، حکومت هغو کسانو ته کومو چې د کويډ-۱۹ له امله يې خپل کارونه له لاسه ورکړي د مياشتې ۱۱ ميليارده ډالر ورکوي او يادو کسانو کې لا هغه شامله ندي کومو چې پخوا يې کارونه نه لرل او يا خپل کاري ځايو څخه د JobKeeper پيسې نه ترلاسه کوي.
ښاغلي موريسن وويل، حکومت پلان لري ترڅو پر ځينو کاروبارونو پيسې بندې کړي او پر هغو يې ولګوي کوم چې ډير ځپل شوي.
The federal government's coronavirus supplement will be cut by $300 from 25 September. Source: AAP
ښاغلی موريسن وويل، د کرونا ويروس وبا کابو کولو او هم کاروبارونو بيرته پر پښو درولو برخه کې نوي تدابير وړاندې کړي.
د کاريګرو ټولنې او ځيني مدافعين له حکومت څخه غواړي ترڅو د بې کاره کسانو لپاره د مرستې اوسنۍ سيسټم له سيپټيمبر مياشت وروسته وغځوي.
