د اکسفورډ پوهنتون لخوا کرونا ويروس لپاره جوړ شوی واکسين خپل وروستي پړاو کې دی او اټکل کيږي چې ياد واکسين به راتلونکو څو مياشتو د نړۍ په ځينو هيوادونو وويشل شي ترڅو يې پر خپل وګړو وکاروي.
اسټراليايان به د راتلونکي کال لومړيو کې کرونا ويروس لپاره واکسين په وړيا ډول ترلاسه کوي.
د اسټراليا لومړي وزير سکاټ موريسن نن خبريالانو ته وويل، " ډاډمن يم چې د اکسفورډ پوهنتون لخوا جوړ شوی واکسين به خوندي او ګټور وي."
ښاغلي دا هم وويل، د اسټراليا حکومت اټکل له مخه به اسټراليا کې د کرونا ويروس واکسين د راتلونکي کال لومړيو کې پر خلکو وکارول شي او که حکومت وشو کولی نو کيدای شي له يادې مودې څخه مخکې دا واکسين ترلاسه شي.
د اسټراليا حکومت لخوا کرونا ويروس لپاره واکسين کيدل جبري کيږي او يوازې هغه کسان به لدې څخه معاف وي کوم چې د ياد واکسين له امله ورته روغتيايي ستونزه پيدا کيږي.
"د هر واکسين کارونې برخه کې ځيني معافيتونه شتون لري او دا به يوازې د روغتيايي مسايلو له مخه فيصله کيږي، مونږ دلته د يو وبا خبر کوو کوم چې نړۍ يې په ګونډو کړې، اقتصادونه يې ويجاړ کړي او د زرګونو خلکو ژوند يې اخيستی."
د اسټراليا لومړی وزير وايي، "مونږ هر څه اکسفورډ پوهنتون ته نه سپارو او نه هم پر هغوی په ټوله کې تکيه کيږي، د نورو واکسينو پر پرتله د اکسفورډ پوهنتون واکسين پر مختللی دی نو ځکه د اسټراليا د حکومت لومړی ګام له همدې ځايه د واکيسن ترلاسه کول دي."
د اسټراليا حکومت او اکسفورډ پوهنتون د هوکړې له مخه به اسټراليايانو ته وړيا د کرونا ويروس لپاره واکسين ورکول کيږي.
د اسټراليا حکومت وايي، داسې هيڅ ضمانت شتون نه لري چې ايا دا واکسين به کامياب اوسي او که نه، ولې حکومت به له نورو واکسين جوړونکو سره هم په اړيکه کې وي او پر اسټراليايي کمپنيانو به هم پانګونه کوي.
د نورو هيوادونو لخوا د ياد واکسين ترلاسه کول به د ميلياردو ډالرو لږښت له ځانسره ولي.
د اکسفورډ پوهنتون واکسين دا مهال په انګلستان، برازيل، جنوبي افريقا کې په زرهاو کسانو ازمايل کيږي او نږدې راتلونکې کې به ياد واکسين امريکا کې پر خلکو و ازمويل شي.
اسټراليا کې د روغتيا مشاورين وايي، دا مهال ۱۶۷ نوماند واکسينو په اړه معلومات لري کوم چې له کلينيکي مرحلې څخه مخکې او هم کلينيکي پړاونو حالت کې دي. ۲۹ واکسينونه بيا پر انسانانو ازمايل کيدو حال کې دي.
ادوارد اونیل، ساکن اصلی سیدنی یکی از نخستین کسانی بود که واکسین احتمالی دانشگاه آکسفورد را تزریق کرد. Source: SBS
اسټراليا کې د روغتيا چارواکي وايي، حکومت به پر ټولو برياليو واکسينو غور کوي او يوازې پر يو واکسين تکيه نه کوي.
