اس بي اس شبکې اعلان وکړ چې په ۲۰۲۲ کال کې به په عربي او منډرين ژبو د ټلويزيون خبري چينل پرانيزي کوم چې په وړيا ډول اسټراليايان ليدلی شي.
د ياد چينل له لارې به د نړۍ پر ۳۰ ډيرو نورو ژبو باندې هم خبرونه وړاندې کيږي.
په عربي او منډرين ژبو ۳۰ دقيقې ټلويزيوني خبرونه اس بي اس شبکه کې دننه جوړ او وياندويان يې له داخلي سټډيوګانو له لارې هره شپه خبرونه خپروي.
د اس بي اس شبکې مشر جيمز ټيلر وايي، اس بي اس شبکې لخوا د څوکلتوريز خدماتو پراخوالی يو ښه فرصت دی ترڅو ۱ په ۵ اسټراليايانو کې چې په کور کې انګليسي پرته پر بلې ژبې خبرې کوي د يوې ګډې شبکې جوړيدو زمينه برابره شي.
" د اس بي اس جوړيدو سره اسټراليايانو لپاره ددې فرصت شوی ترڅو هغوی له خبرونو، معلوماتو او هم تفريحي پروګرامونو اويدو او کتلو سره د خپل خوښې ژبې له لارې ونښليږي، او لدې اړيکو سره خلک د اسټراليا په څو کلتوريزه ټولنه کې په اسټراليا کې ځان ګډ احساسوي."
د اس بي اس خبر او روان حالاتو پروګرامو مشره منډي ويکس وايي، " د اس بي اس ځانګړتيا داده چې ټولو هغو اسټراليايانو ته رسيدنه کوي کوم چې په کور کې انګليسي پرته پر بلې ژبې خبرې کوي. اس بي اس يو نړيوال خبري خونه ده او همدا يې له نورو رسنيو سره توپير بيانوي."
اس بي اس شبکه ټلويزيوني چينلونو ترڅنګ په نږدې ۷۰ ژبو راډيويي پروګرامونه هم وړاندې کوي.
