Key Points
- فرانسې، مراکش ته له ماتې وروسته د نړیوال جام وروستۍ لوبې ته لاره پیدا کړه.
- د فرانسې او ارجیټاین لوبډلو تر اوسه دوه-دوه ځله د فوټبال نړیوال جام ګټلی دی.
- د فوټبال نړیوال جام سیالۍ له ۱۹۳۰م کال راهیسې په هرو څلورو کلونو کې یو ځل ترسره کېږي.
د فرانسې د فوټبال ملي لوبډلې د چهارشنبې په ورځ، د قطر په نړیوال جام کې مراکش ته دوه د صفر په پایلې سره ماته ورکړه او د دغه جام وروستۍ لوبې ته یې لاره پیدا کړه.
تیو هرنانډیز لومړی ګول یوازې په پنځو دقیقو کې ترسره کړ، له هغه وروسته رندال کولو لوبغالي ته له داخلیدو ۴۴ ثانیې وروسته په ۷۹یمه دقیقه کې ګول وواهه.
مراکش پدې هڅه کې وه ترڅو د لومړني افریقايي هېواد په توګه پایلوبې ته لاره پيدا کړي، مګر خپل هدف ته ونه رسېده.
د فوټبال نړیوال جام سیالۍ له ۱۹۳۰م کال راهیسې په هرو څلورو کلونو کې یو ځل ترسره کېږي.
د ۲۰۱۸ کال سیالۍ په روسیې هېواد کې ترسره شوې، مګر د ۲۰۲۲ کال سیالۍ په قطر هېواد کې روانې دي.
په قطر هېواد کې د ۲۰۲۲ کال د فوټبال نړیوالې سیالۍ د نومبر پر ۲۱ نېټه پیل شوي.
ټاکل شوې ترڅو د روانو لوبو وروستۍ لوبه د ډیسمبر د میاشتې پر ۱۸ نېټه د قطر هېواد په پلازمینې دوحې کې ترسره شي.
د برازیل لوبډلې ترټولو زیات نړیوال جامونه ګټلي دي.
د نړیوالو سیالیو له پیل څخه تراوسه پورې برازیل ۵ ځله، جرمني ۴ ځله، ایتالیا هم ۴ ځله، ارجیټاین او فرانسې دواړو دوه-دوه ځله نړیوال جام ګټلی دی.
Brazil have won the men's World Cup a record five times
زمونږ خپرونه دلته یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له یا څخه ترلاسه کړئ.
