اسټراليا به لدې وروسته پر بهرنيو واکسينو تکيه نه کوي.
دا ډاډ له هغه وروسته ترلاسه شو چې د اسټراليا ملبورن ښار کې د درملو جوړولو کمپنۍ د يوې هوکړې له مخه د استرا زينيکا واکسين جوړول پيل کړل او د ياد واکسين کيفيت منظوري ورکړل شوه.
اسټراليا کې به ياده کمپنۍ هره اونۍ ۵۰۰،۰۰۰ ډوزه واکسين جوړوي.
د اسټراليا روغتيا وزير ګرين هانټ وويل، دا اسټراليايانو لپاره ښه خبر دی او دا مهال له ياد واکسين څخه لاری ډکې کيږي او نورو ښارونو ته ليږدول کيږي.
ښاغلي وويل، " اسټراليا کې دننه واکسين جوړيدو سره به اسټراليايانو ته د واکسين ليږد برخه کې ډير ډاډ ترلاسه شي."
ښاغلي هانټ وويل، اوروپايي ټولنې اسټراليا ته واکسين رسيدو پر وړاندې يې ډير خنډونه رامينځته کړل، ولې دا مهال اسټراليا يو غښتلي موقف کې دی، ځکه چې اسټراليا خپله واکسين توليدوي.
اسټراليا ته د فايزر واکسين ۱۵۹،۰۰۰ نور ډوزونه هم راورسيدل، او دا مهال ۳۱۲،۰۰۰ اسټراليايان واکسين شوي.
Prime Minister Scott Morrison walks past vials of the AstraZeneca vaccine as he visits the CSL serum lab in Melbourne in February. Source: AAP
اسټراليا کې دا وخت د لومړي پړاو B واکسين کولو لرۍ روانه ده او ټول هغه کسان چې عمرونه يې له ۷۰ کلونو ډير وي اوس کولی چي د کويډ-۱۹ واکسين ترلاسه کړي.
د هغو کسانو چې کارونه يې له خطر سره مخ وي هغوی هم کولی شي واکسين شي.
څه موده وړاندې ګڼ شمير اوروپايي هيوادونو د استرا زينيکا واکسين کارونه ودروله، ځکه ويل شوي ول چې په ځينو هيوادونو کې د واکسين شوو کسانو وينه ټينګه يا کلکه شوې وه.
له څيړنو وروسته وموندل شوه چې ياد واکسين خوندي دی او اوروپايي هيوادونو بيرته د ياد واکسين کارونه پيل کړه.
ځيني کارپوهان وايي، د اوروپايي ټولنې لخوا د استرا زينيکا واکسين کارونې ځنډول خلکو ترمينځ بې باوري رامينځته کړې.
