د آسټرالیا د پرت ښار په مرکز کې له ۱۰۰۰ تنو څخه زیاتو افغانانو په لاریون لاس پورې کړی وه ترڅو د آسټرالیا حکومت له هغو افغانانو سره خپلې مرستې زیاتې کړي چې غواړي له افغانستان څخه وتښتي. لاریون کوونکي د آسټرالیا له حکومت څخه غوښتنه لري ترڅو ۲۰ زره افغان کډوال ومني او له نړیوالې ټولنې څخه غوښتنه لري ترڅو د طالبانو حکومت په رسمیت و نه پېژني.
یو تن لاریون کوونکي، جواد مصور اس بی اس نیوز سره په خبرو کې ویلي: "موږ له آسټرالیا او نړیوالې ټولنې څخه غوښتنه کوو چې د هغو خلکو لپاره د ویزو ارزونه ګړندۍ کړي چې ژوند یې په خطر کې دی. موږ دلته د بشري حقونو په اړه خبرې کوو. موږ له نړیوالې ټولنې غواړو چې پر طالبانو فشار راوړي چې د ښځو او اقلیتونو بشري حقونه خوندي کړي."
"دا به تر هغه وخته پورې دوام وکړي چې د آسټرالیا حکومت او نړۍ زموږ اعتراض واوري."
د تېرې اوونۍ د چهارشنبې په ورځ د آسټرالیا حکومت د زیانمنو افغانانو لپاره ده د ۳ زره ویزو اعلان وکړ. د آسټرالیا د کډوالو چارو وزیر له اس بی اس پښتو راډیو سره په خبرو کې ویلي چې د افغانانو لپاره د ویزو شمېر به په روان کال کې تر دې زیات شي.
آسټرالیا او کاناډا هر هېواد په یوه کال کې ۲۰ زره ویزې افغانانو ته ځانګړې کړې دي. لاریون کوونکي د آسټرالیا له حکومت څخه هم غواړي ترڅو د ویزو شمېر زیات کړي.
په پرت ښار کې د لاریون پرمهال یو شمېر لاریون کوونکو د افغانستان بیرغ له ځان سره درلوده او د آسټرالیا له حکومت څخه یې غوښتنه درلوده ترڅو د طالبانو پر وړاندې کلک غبرګون ولري.
Around 1,000 people attended a rally in Perth calling for the government to increase its intake of refugees from Afghanistan. Source: SBS News/Aaron Fernandes
مدینه جعفري چې په آسټرالیا کې د خبریالې په توګه کار کوي وايي چې "موږ غوسه یو، له تېرو ۲۰ کلونو راهیسې، موږ کار کړی دی، د افغانستان میرمنو کار کړی، د ځان خلاصولو لپاره. مګر دا هغه څه دي چې موږ نن ورځ ورسره مبارزه کوو."
په دغه لاریون کې د بېلابېلو قومونو خلکو لکه، پښتنو، تاجکانو، هزاره ګانو، ازبکانو او د نور قومونو خلکو ګډون کړی وه ترڅو د افغانانو په ملاتړ خپل غږ پورته کړي.
Matt Keogh, Labor member for Burt, Western Australia, addresses a rally in Perth calling for more government support for fleeing Afghans. Source: SBS News/Aaron Fernandes
آغلې جعفري وايي: "دا لومړی ځل دی چې موږ په ګډه دا ډول کار کړی دی. په افغانستان کې چې څه پیښیږي د هرچا ستونزه ده، دا د هر افغان ستونزه ده. له همدې امله هرڅوک د هغه څه غندلو لپاره راټول شوي چې پیښیږي."
په همدې حال کې ځینې راپورونه ښيي چې د ویزو د ویش لړۍ هم تېزه شوې او په تېرو څو ورځو کې شاوخوا ۳۰۰ آسټرالیایانو او د آسټرالیا د ویزو درلودونکي له افغانستان څخه بهر انتقال شوي.
د آسټرالیا حکومت همدا راز په پام کې لري ترڅو کابل ته نور پروازونه هم برابر کړي ترڅو د آسټرالیا ټول اوسېدونکي او د دغه هېواد ویزه لرونکي کسان بهر و ویستل شي. مګر د کابل په هوايي ډګر کې ګڼه ګوڼه د دې لامل ګرځېدلې ترڅو د بهرنیانو لخوا د خلکو د ژغورلو لړۍ له ستونزو سره مخ شي.
Source: Yiying Li, SBS News
