This article is more than 3 years old
آيا والدين مو بهر دي؟ هغوی ته اسټراليا ويزې اخيستل او سفر کولو پر شرايطو خبر شئ
د استرالیا اتباعو او دایمي اوسیدونکو په بهر کې میشته والدینو ته به اوس اجازه ورکړل شي چې آسټرالیا ته ننوځي ، او دا کار ډیری مهاجرینو ته به راحت ورکړي. مګر دوی به اړتیا ولري چې په بشپړ ډول واکسین او کاغذونه يې بشپړ اوسي.
خپور شوی 1/11/2021 په 6:15pm
اپډیټ شوی 12/08/2022 په 3:01pm
لخوا Akash Arora, SBS Pashto
سرچینه: SBS News
څوک کولی شي استرالیا ته د سفر د معافیت غوښتنه وکړي؟
د COVID-19 د خپریدو مخنیوي کې د مرستې لپاره ، آسټرالیا د 2020 په مارچ کې د غیر اتباعو او غیر اوسیدونکو لپاره خپلې پولې وتړلې. مګر د کورنۍ سمدستي غړي (میړه، اصلي شریک، ماشوم یا د یو تړلي ماشوم مور او پلار/قانوني سرپرست) د آسټرالیا اتباعو او دایمي اوسیدونکو ته اجازه ورکړل شوې وه چې د سفر معافیت لپاره غوښتنه وکړي ترڅو دوی لاهم داخل شي.
د نومبر له ۱ نيټې څخه، د سمدستي کورنۍ تعریف کې به د آسټرالیا اتباعو او دایمي اوسیدونکي والدین هم شامل وي.
والدين کومو ويزو لپاره غوښتنه کولی شي؟
د غوښتونکي د تابعیت پراساس، والدین کولی شي د لاندې دریو لنډمهاله ویزو څخه یوه لپاره غوښتنه وکړي.
۱. : د لاندې هيوادونو اتباع کولو شي دې ويزې ته غوښتنليک ورکړي: Austria, Belgium, Bulgaria, Croatia, Cyprus, Czech Republic, Denmark, Estonia, Finland, France, Germany, Greece, Hungary, Iceland, Ireland, Italy, Latvia, Liechtenstein, Lithuania, Luxembourg, Malta, Monaco, The Netherlands, Norway, Poland, Portugal, Romania, Republic of San Marino, Slovak Republic, Slovenia, Spain, Sweden, Switzerland, the United Kingdom and Vatican City.
د اوسيدو موده: تر ۳ مياشتو پورې
طی مراحل وخت: ۳۱ ورځو څخه تر ۴ مياشتو پورې
فيس: وړيا
د پروسس کولو وخت خورا اوږد دی، په برزبن کې ميشته وکيله ربيکا باګيانو وايي، ددې پروسس وخت کمولو لپاره ښه لار داده چې تاسې لومړی د ويزې غوښتنليک ورکړئ او بيا د سفر بنديز معافيت غوښتنه وکړئ. د مهاجرت اداره ستاسو معافيت غوښتنليک پروسس کولو سره ستاسو ويزې غوښتنليک ته هم کتنه کوي.
۲. : د لاندې هيوادونو وګړي کولی شي د سفر کولو اجازه ليک ترلاسه کړي: Brunei, Canada, Hong Kong (SAR of China), Japan, Malaysia, Singapore, South Korea and the United States.
اوسيدو موده: درې مياشتې
پروسيس کولو وخت: نا معلوم
فيس: ۲۰ ډالر
د اسټراليا مهاجرت ادارې ويپاڼه کې د ياد سند ترلاسه کولو موده ذکر شوې نده ولې اغلې باګيانو مشوره ورکوي چې حکومت د AustralianETA app موبايل اپليکيشن جوړ کړی چې له لارې يې دا اجازه ليک په دوو ورځو کې ورکول کيږي.
۳. : ذکر شوو هيوادونو پرته د نورو ټولو هيوادونو وګړي کولی شي اسټراليا ته راتګ لپاره لدې ويزې کار واخلي او ورته غوښتنه وکړي.
د اوسيدو موده: ۱۲ مياشتې
پروسيس کولو وخت: ۸ څخه تر ۲۰ مياشتې
فيس: ۱۴۵ ډالر
:دا اسټراليا ته راتګ يوه معياري ويزه ده کوم چې ټولو نړۍ وګړو لپاره ورکول کيږي.
داچې د يادې ويزې پروسس کولو موده ډيره اوږده ده نو ښه داده چې تاسې ويزې غوښتنليک سره د travel-ban-exemption غوښتنه هم وکړئ. د مهاجرت اداره ستاسو دا غوښتنه تر غور لاندې نيسي.
څنګه والدين د سفر کولو معافيت غوښتنه وکړي؟
د اسټراليا اتباعو او دايمي ويزو لرونکي والدين د مهاجرت ادارې ويبپاڼه کې د څخه ليدنه وکړي او له هغه ځايه دا غوښتنه کولی شي.
د اسټراليا اتباع او دايمي ويزې لرونکي کولی شي د بل چا لپاره دا غوښتنه وکړي.
- کله چې فورمه ډکه شي له هغې وروسته خپل اسنادو کاپي رنګه شکل سره سکن او غوښتنې سره په ګډه وليږئ.
- د اسټراليا دايمي اوسيدونکي او يا اتباع د هويت اسناد، لکه پاسپورټ، د زيږيدو سند، د تابعيت سند او يا ويزې سند.
- د اسټراليا اتباع او يا دايمي ويزې لرونکي والدينو هويت اسناد، لکه پاسپورټ، د زيږيدو او هم تابعيت سندونه.
- اسټراليايي اتباع او دايمي ويزې لرونکي سره د والدينو اړيکو ثبوت، لکه د زيږيدو سند او هم فاميلي سند.
- له بهر څخه راتلونکي کس د واکسين سند، د اسټراليا حکومت يوازې څلور ډولونو واکسين ترلاسه کوونکو ته اجازه ورکوي ترڅو اسټراليا ته راشي.
- څلور منل شوي واکسينونه، Pfizer, Moderna, AstraZeneca, Johnson and Johnson دي.
که چيرې تاسې ژبې خدمتونو ته اړتيا ولرئ.
که ستاسو اسناد په انګليسي ژبه نه وي نو اسټراليا کې د NAATI يو منل شوي ژباړونکي باندې خپل اسناد انګليسي ته وژباړئ.
کله والدين رارسيدلی شي؟
سپارښتنه کيږي ترڅو والدينو ويزو او هم سفر معافيت ترلاسه کولو وروسته د الوتکې ټکټ واخيستل شي
شریکول
