نيو ساوت ويلز ايالت په تيرو ۲۴ ساعتونو کې د کرونا ويروس ۱۲،۲۲۶ نوې پيښې ثبت کړې چې له تيرې ورځې څخه له ۱۰۰۰ ډيرې پيښې ليدل کيږي.
دا مهال ۷۴۶ کسان په روغتون کې درملنه لاندې دي او يوازې ۲۴ ساعتونو کې ۱۲۱ کسان د ويروس له امله روغتون کې داخل شوي.
ويکټوريا ايالت بيا د کرونا ويروس ۵۱۳۷ نوې پيښې ثبت کړې او ۱۳ کسان بيا خپل ژوند له لاسه ورکړی.
دا مهال ۳۹۵ کسان روغتون کې درملنې لاندې دي او ۱۰۰ کسان بيا عاجلې څانګې کې درملنه ترلاسه کوي.
د اسټراليا لومړی وزير نن د ايالتونو له مشرانو سره ناسته کوي ترڅو د کوويډ-۱۹ نوو پيښو ډيروالي او روغتونو کې د ناروغانو لا ډير بستر کيدو پر مسلې بحث وکړي.
بله خوا نږدې ټولو ايالتونو کې ډير شمير کسان کرونا ويروس معاينې ته مخه کوي کوم چې د معاينې لابراتوارونو باندې ډير فشار اچول شوی.
د نيو ساوت ويلز ايالت حکومت له خلکو غوښتي چې يوازې ناروغۍ حالت کې دې روغتون او هم معاينې ته مخه کړي او له هغې پرته دې خلک په روغتون او يا معاينې مرکزونو فشارونه نه اچوي.
د کابينې ننۍ ناسته کې په کرونا ويروس اخته کس نږدې اړيکو شخص او يا کسانو تعريف هم واضح شي.
د اسټراليا لومړی وزير سکاټ موريسن وايي، " مسله د اوميکرون نوو پيښو د شمير نده بلکې مسله د جدي ناروغۍ باندې اخته کيدو ده.؛
Prime Minister Scott Morrison and state leaders will meet on Thursday. Source: AAP
ښاغلی وايي، سره لدې چې د کوويډ-۱۹ نوو پيښو شمير ډير دی ولې د اسټراليا روغتونونه دا توان لري ترڅو د ناروغانو درملنه وکړي.
