د نيوزليند لومړۍ وزيري جسينډا ارډرن دا خبر له رسنيو سره شريک کړ او خپل هيواد يې له کرونا ويروس څخه پاک اعلان کړ.
اغلې خبرې غونډې ته وينا دوران کې وويل، نيوزليند کې دې خبر اوريدو سره نوموړې حتی له خوښۍ په ګډا شوه.
نن نيوزيليند کې روغتيا برخې چارواکو دا خبر شريک کړ چې پر کرونا ويروس اخته وروستی کس روغ شو او له روغتون څخه فارغ شو. د وروستي کس درملنې وروسته نيوزيليند هيواد کرونا ويروس څخه پاک اعلان شو.
نيوزيليند کې ۱۷ ورځې کيږي چې هيڅ يوه مثبته پيښه نده ثبت شوې.
جسينډا ارډرن وايي، داچې اوس نيوزيلينډ له کرونا ويروس څخه پاک ګرځول شوی نو نږدې راتلونکې کې به ټول وګړي داسې آزادي ولري لکه له کرونا ويروس څخه مخکې يې چې ورسره ژوند کاوه.
نيوزيلينډ هيواد کې ۳۰۰،۰۰۰ کسان کويډ-۱۹ لپاره معاينه شوي.
جسیندا اردرن، نخستوزیر نیوزیلند و اشلی بلومفیلد، رییس صحت عامه نیوزیلند. Source: Getty Images AsiaPac
ياد هيواد کې ټولې ۱۵۰۴ مثبتې پيښې ثبت شوي او ۲۲ کسانو بيا خپل ژوند له لاسه ورکړی.
نيوزيليند هيواد لومړي ځل لپاره د فبروری مياشت پر ۲۸ نيټه د کويډ-۱۹ لومړنۍ پيښه ثبت کړه او لدې سره حکومت چټکۍ سره بنديزونه ولګول، ولې تر ټولو سخت بنديزونه د مارچ مياشت پر۲۳ نيټه له هغه وروسته ولګول شول کله چې ياد هيواد کې د کويډ-۱۹ مثبتې پيښې ۱۰۰ ته لوړې شوې.
اسټراليا لکه نيوزيليند په شان يې چټکۍ سره بنديزونه او محدوديتونه وضع نه کړل او همدا ده چې اوس اسټراليا کې له ۴۰۰ ډيرې مثبتې پيښې شتون لري.
