سوريه کې د امريکا ځانګړو ځواکونو په بريد کې د دايش ډلې مشر ابو ابراهيم وژل کيدو وروسته د امريکا ولسمشر جو بايډن اعلان وکړ چې نړۍ ته د ترهګرۍ ګواښ لرې شو.
د امريکا ځانګړو ځواکونو شپې لخوا د هليکوپتر کارولو سره د دايش ډلې مشر پر اوسيدو ځای بريد وکړ او ويل شوي چې نوموړی د چاودنو له امله وژل شوي.
د امريکا ولسمشر جو بايډن وويل، د دايش ډلې مشر وژلو لپاره يې د پياده پوځيانو بريد ته ځکه ترجيح وکړه چې له هوايي بريد سره کيدای شي ډيرو عامو خلکو ته مرګ ژوبله اوښتې وای.
ياد بريد کې امريکايي پوځيانو ته مرګ ژوبله نده اوښتې.
د ابو ابراهيم ال هاشمي ال قريشي وژل کيدل دايش ډلې لپاره لپاره ستره ضايع ګڼل کيږي.
لدې وړاندې په کال ۲۰۱۹ کې د امريکا ځانګړو ځواکونو په ورته سيمه يعنې ايلديب کې د دايش ډلې پر پخواني مشر ابوبکر ال بغدادي بريد وکړ او نوموړی ووژل شو.
ښاغلي بايډن وويل، تيره شپه په يو پوځي عملياتو کې د ترهګرو يو ستر مشر ووژل شو، او لدې سره نورو ترهګرو ته په ټوله نړۍ کې پيغام واستول شو چې مونږ تاسو پسې راځو او پيدا کوو او تاسو پيدا کوو.
د امريکا ولسمشر د ياد خبر په خپرولو کې دا هم تاييد کړه چې د امريکايي ځانګړو ځواکونو په عملياتو کې ملکي کسانو چې پکې کورنۍ او ماشومان هم شامله دي مرګ ژوبله اوښتي.
Abu Ibrahim al-Hashimi al-Qurayshi, the leader of the Islamic State group. President Joe Biden that al-Qurayshi has been killed in Syria Source: CTC Sentinel
ښاغلي وويل، کله چې امريکايي پوځيان د ياد ترهګر نيولو ته نږدې شول، نو هغه خپل ځان ته چاودنه ورکړه او خپل کورنۍ او يادې ودانۍ کې د نورو ژوند يې هم واخيست.
ويل کيږي چې د دايش ډلې مشر د ودانۍ پاس منزل کې ځان ته چاودنې ورکولو سره خپل کورنۍ غړي هم وژلي.
د امريکا حکومت د دايش ډلې مشر په اړه معلوماتو ورکوونکي ته د ۱۰ ميليونو امريکايي ډالرو جايزه ټاکلې وه.
IS leader died in Syria Source: AP
سوريه کې د بشر حقونو څار ادارې ويلي، په بريد کې له ۱۳ وژل شوو کسانو څخه ۷ ملکيان او ۴ ماشومان ول.
ولې بيا پنټګان وايي، بريد کې درې ملکيان وژل شوي.
ګاونډ کې خلکو ويلي، د زيتونو ونو کې پټ پدې کور کې د دايش ډلې مشر اوسيدل دوی حيران کړي.
