د اسټراليا سياحت وزير ښاغلي ډان تيهان وايي، د اسټراليا سرحدونه به د روان کال ډيسيمبر مياشت کې پرانيستل شي.
اسټراليا کې د واکسين شوو کسانو شمير په ډيريدو سره حکومت ډاډ ترلاسه کړی ترڅو خطر کچې کمولو وروسته خپل پولې پرانيزې او نړيوال سفرونه پيل شي.
حکومت وايي، په پام کې لري ترڅو واکسين شوو کسانو ته پاسپورټونه هم ورکړي چې بهر ته سفر کولو وروسته دوی چې کله بيرته خپل هيواد ته راستانه کيږي نو په هوټلونو کې قرنطين نشي.
د اسټراليا حکومت په پام کې لري چې د نفوس ۱۶ کلونو څخه ډير عمر لرونکو کسانو ۸۰ سلنه د کرونا ويروس ضد واکسين دوه ډوزه واخلي، له هغې وروسته نړيوال سفر کولو ته اجازه ورکوي.
دا پدې معنی هم ده چې د اسټراليا طبي خوړو ادارې لخوا منظور شوو واکسينو اخيستلو سره کله چې اسټراليايان له بهر څخه بيرته اسټراليا ته راستانه کيږي نو هغوی کولی شي خپل کورونو کې قرنطين شي.
ښاغلي وويل، زه هغه ټول اسټراليايان احساسوم کومو چې سږ کال هم بهر ته سفر کولو چانس ترلاسه نه کړ، ولې اوس مهمه ده ترڅو ډير خلک واکسين شي او محدوديتونه لرې شي.
ښاغلي وويل، د اسټراليا ملي پلان له مخه که چيرې د اوس واکسين ترلاسه کولو رقم همداسې روان وي نو تر کريسميس پورې نړيوال سفرونه پيل کيږي.
يوه خبر چې لا تر اوسه روښانه نده، داچې اسټراليايانو ته به کومو هيوادونو ته سفر کولو اجازه ورکړل شي.
اوس وخت کې له ۴۵ زرو ډير اسټراليايان بهر کې بند پاتې دي او اسټراليا ته راتګ کوښښ کوي، له ياد شمير کسانو څخه ۴۷۰۰ يې زیان منونکی.
Australia's Trade and Tourism Minister Dan Tehan Source: AAP
د اسټراليا لومړي وزير سکاټ موريسن امريکا کې له خبريالانو سره خبرو دوران کې وويل، اسټراليا به نړيوال سفر د حالت نورماله کيدو سره ژر پيل کړي.
ښاغلي وويل، واکسين شوو کسانو لپاره به اسټراليا ته سفر کولو لارې پرانيستل شي.
