د انګلستان اکسفورډ او هم د اسټراليا کوينزليند پوهنتون ساينس پوهان په ګډه کار کوي ترڅو کرونا ويروس ضد واکسين جوړ او ژر پر خلکو وکاروي. د کوينزلند او اکسفورډ پوهنتون واکسين د ازمايښت وروستي پړاو کې دی.
د اسټراليا حکومت وايي، که چيرې دا واکسين خپل وروستي پړاو څخه بريالی ووځي نو حکومت به ۱.۷ ميليارده ډالر پانګونه کوي ترڅو د ياد واکسين ۸۵ ميليونه قطرې ترلاسه او پر عامو اسټراليايانو وکاروي.
د اسټراليا روغتيا وزير ګريګ هانټ وايي، "ډاډ لرم ترڅو د راتلونکي کال جنوری مياشت کې اسټراليا واکسين ترلاسه او پر خپلو خلکو يې وکاروي."
د انګلستان اکسفورډ او کوينزليند پوهنتونو ترمينځ هوکړه لاسليک شوې ترڅو اسټراليا وشي کولی خپله واکيسن توليد کړي.
د واکسين وروستي پړاو بريالي کيدو وروسته اسټراليايي کمپنۍ CSL به دا واکيسن په ملبورن ښار کې توليد کړي.
د اسټراليا لومړی وزير سکاټ موريسن وايي،" د واکسين ترلاسه کولو تړون له مخه به اسټراليا د نړۍ هغو لومړيو هيوادونو څخه وي کوم چې خوندي او ګټور واکسين ترلاسه کوي."
د CSL کمپنۍ وايي، د اسټراليا لخوا د واکسين قطرو اخيستلو قرارداد له مخه هر يو اسټراليايي ته دوه قطرې واکسين ورکول کيږي.
د قرارداد له مخه اسټراليا به د بل کال جنوری او فبروری مياشت پورې ۳.۸ ميليونه قطرې واکسين ترلاسه کړي او د حکومت پلان له مخه به دا واکسين لومړی پړاور لې پر زړو کسانو او هم روغتيا کار کوونکو وکارول شي.
د روغتيا وزير هانټ په وينا، د ياد واکسين اخيستل به پر اسټراليايان جبري نه وي ولې حکومت غواړي ترڅو د اسټراليا د نفوس ډيره برخه دا واکسين ترلاسه او يا واکسين شي.
په اسټرالیا کې مېشت کسان باید د یو بل ترمنځ، له یو نیم متر څخه زیات فزیکي واټن وساتي. په خپل ایالت یا سیمې کې د محدودیتونو په اړه معلومات دلته پیدا کړئ[].
که چېرې تاسو باور لرئ چې تاسو هم ممکن په کرونا وېروس اخته شوي یاست، نو خپل ډاکټر ته زنګ ووهئ (لیدنه ونکړئ) یا د کرونا وېروس د معلوماتو له ملي مرکز سره په ۰۸۰ ۰۲۰ ۱۸۰۰ شمېره اړیکه ونیسئ.
د اس بي اس شبکه ژمنه ده ترڅو تاسو ته د کرونا وېروس په اړه ستاسو په ژبه باوري راپورونه چمتو کړي. دلته تاسو کولای شئ په ۶۳ ژبو خبرونه او معلومات پیدا کړئ:
