د امريکا ولسمشر ډونالډ ټرمپ د امريکا په وخت سه شنبه يې علان وکړ چې د روغتيا نړيوالې ادارې د کويډ ۱۹ وبا پټولو او ناسم سمبالښت له امله پر يادې ادارې خپلې مرستې بندوي.
ټرمپ وايي، کله چې د کرونا ويروس وبا چين کې پيل شوه نو د ډبليو ايچ او ادارې په وخت د هغې جديت نړۍ ته ونه ښود.
ټرمپ خپلې ادارې ته سپارښتنه کړې ترڅو د ملګرو ملتونو روغتيا نړيوالې ادارې فعاليتونو څيړنه وکړي او د څيړنې تر پايه به پر يادې ادارې مرسته بنده وي.
ټرمپ پر ډبليو ايچ او تور پورې کوي چې د چين په ګټه يې د کرونا ويروس وبا په اړه په وخت له نړۍ سره معلومات ندي شريک کړي.
تير کال امريکا ډبليو ايچ او ادارې ته ۴۰۰ ميليونو ډالرو مرسته کړې وه او امريکا د يادې ادارې يو له مهمو مرسته کوونکو هيوادو شميرل کيږي.
لدې وړاندې د روغتيا نړيوالې ادارې مشر ډونالډ ټرمپ ته په اعشاره ويلي ول، د هيوادونو مشران دې خپل ناکامي پر ډبليو ايچ او نه اچوي.
