Key Points
- د هند او اسټرالیا د صدراعظمانو تر منځ د لوړې کچې په غونډو کې د هندوانو پر معبدونو د بریدونو مسله راپورته شوه.
- د هند فلمونه په اسټراليا کې جوړيدو په تړاو هم نوی تړون لاسلیک شوی.
د هند لومړي وزير نريندرا مودي د استراليا له لومړي وزير انتوني البنيزي سره په ګډه خبري غونډه کې په استراليا کې د هندوانو پر معبدونو وروستي بريدونه غندلي دي.
په ویکټوریا کې د معبدونو د ورانولو لږترلږه درې پیښې رامینځته شوي ، د سيک مذهبه خالستان پلوه بیلتون غوښتونکو غورځنګ په ملاتړ شعارونو سره په دریو جلا ځایونو کې ګرافیتي رسمونه هم جوړ شوي.
په نوي ډیلي کې د ښاغلي البنيزي تر څنګ ولاړ، ښاغلي مودي وویل "دا د خواشینۍ خبره ده چې په تیرو څو اونیو کې په منظم ډول په استرالیا کې په معبدونو د بریدونو راپورونه ورکړل شوي دي."
ښاغلي مودي وويل، "طبیعي خبره ده چې دا ډول خبرونه په هند کې خلک اندیښمن کړي، او زموږ ذهن ګډوډوي، ما دا احساسات او اندیښنې لومړي وزیر البنيزي ته ورسولې او هغه ماته ډاډ راکړ چې د هندي ټولنې خوندیتوب د هغه لپاره ځانګړی لومړیتوب لري او زموږ ټیمونه به په دې اړه منظم تماس کې وي، او د امکان تر حده به همکاري وکړي."
په ورته وخت کې ، آسټرالیا او هند فلمونو جوړيدو لپاره د اسټراليا ښارونو کې ځايونه برابرول او هم له اسټراليايي کمپنيو سره همکارۍ په تړاو هم تړون لاسليک شو.
به د آډیو ویژول ګډ تولید تړون کې همکاري وکړي چې د آسیا اقتصادي ځواک هاؤس ته د لومړي وزیر د طوفاني سفر وروسته "بریسبین ته د بالیوډ یوه ټوټه راوړو" لپاره ډیزاین شوې.
مشرانو د جمعې په ورځ تړون پای ته ورساوه، د همکارۍ او تخلیقي تبادلې هڅول ترڅو د هیوادونو تر منځ ډیر ګډ تولید شوي فلمونه ډاډمن کړي.
