افغانستان جګړه کې د اسټراليايي پوځيانو ادعا شوي جنګي جرمونو پلټنه له تيرو څلورو کلونو راهيسې روانه وه او له ډيرې مودې وروسته د يادې پلټنې موندنې له اسټراليا پوځ مشر او نورو چارواکو سره شريکې شوې.
د اسټراليا د پوځ پلټنې جنرال چې يادو ادعا شوو جرمونو پلټنه کوله وويل، د ۲۰۰۵ او ۲۰۱۶ کلونو ترمينځ پر اسټراليايي ځواکونو ادعا شوو جنګي جرمونو ترسره کيدل پلټل شوي.
د اسټراليا د پوځ مشر انګس کمپبيل د جمعې په شپه د يادو موندنو ترلاسه کولو پخلی وکړ او ژمنه يې وکړه چې د ياد رپوټ لوستلو وروسته به يې د موندنو مهمې برخې له عامو اسټراليايانو سره شريکې کړي.
" زه به د ياد رپوټ لوستلو وروسته مهمې موندې شريکې کړم."
لدې وړاندې د اسټراليا حکومت دا ژمنه هم کړې وه چې د اسټراليايي ځواکونو جنګي جرمونو پلټنې رپوټ موندنې به له عامو اسټراليايانو سره شريکوي.
Video still of alleged Australian SAS member shooting Afghan man Uruzgan province, Afghanistan, in May 2012. Screenshot from ABC News, Four Corners, 16/2/20 Source: Twitter
داسې ويره هم شته که چيرې پر ځينو ځانګړو ځواکونو جنګي جرم ثابت شي نو هغوی زنداني کيدای شي.
تيره اونۍ د اسټراليا لومړي وزير سکاټ موريسن وويل، "افغانستان کې د اسټراليا پوځي ماموريت په اړه ځيني خپاره شوي رپوټونه خواشينونکي دي او همدې لپاره د ماموريت پلټنې پروسه پيل شوې وه ترڅو دا ومومي ياد ماموريت دوران کې څه پيښ شوي ول.
" دا يوه ډيره جدي پلټنه ده او د هغو کسانو پر لاس پلټنه پر مخ وړل کيږي کوم چې پدې برخه کې ډيره پوهه لري."
د اسټراليا لوی څارنوال کريستن پورټر وويل، افغانستان کې د اسټراليايي ځانګړو ځواکونو ماموريت پلټن رپوټ به له جزياتو سره ولولي.
د ای بي سي شبکې رپوټونو له مخه ادعا کيږي چې اسټراليايي پوځيانو افغانستان کې جنګي جرمونه ترسره کړي او ځيني بې ګناه افغانان يې وژلي.
