ايران خپلو دريو مهمو زندانيانو بدل کې اسټراليايي ميرمن خوشې کړه

ايران کې يوه اسټراليايي ميرمن د جاسوسۍ په تور دوه کاله زنداني شوې وه، ايران ياده ميرمن د خپلو درې اتباعو خوشې کيدو په بدل کې خوشې کړه.

British-Australian academic Kylie Moore-Gilbert is seen Iranian state television. Source: Iranian State Television

د اسټراليا او ايران ترمينځ د بنديانو تبادله وشوه او ځينو بشر حقونو مدافعينو پر يادې تبادلې انديښنه څرګنده کړه او پر ايران يې سختې نيوکې کړي.

مدافعين وايي،  ايران د اسټراليا او نورو هيوادونو وګړي پر ځينو تورونو بندي کوي او د هغو په بدل کې د ايرانيانو خوشې کولو هڅې کوي.

يوه اسټراليايي ميرمن Kylie Moore- Gilbert چې ايراني امنيتي کسانو له دوو کلونو ډيرې مودې لپاره زنداني کړې وه د دريو ايراني بنديانو مقابل کې خوشې شوه.

تايلند هيواد کې درې ايرانيان په کال ۲۰۱۲ کې هغه مهال زنداني شول کله چې داسې ادعا وشوه چې يادو کسانو تايلند کې د اسرايلي وګړو وژنې پلان درلود او دا وژنه يې بم کارولو سره ترسره کوله.

ايراني رسنيو په تايلند کې د دريو ايرانيانو خوشې کيدو ويډيو خپره کړه، د هغوی په غاړه ايراني بيرغونه ول او د ايراني چارواکو له تود هرکلي سره مخ شول.

۲۰۱۹ کال کې دوه نور اسټراليايان چې ايران کې بنديان ول د يو ايراني زده کوونکي په بدل کې چې اسټراليا کې زنداني وه تبادله شول.

د اسټراليا لومړي وزير سکاټ موريسن وويل، د اسټراليايي ميرمنې په بدل کې په اسټراليا کې ايراني قيدي ندی خوشې شوی.

لومړي وزير تاليند هيواد لخوا د دريو ايراني زندانيانو خوشې کيدو پر سر له ياد هيواد سره خبرو په اړه هم څه ونه ويل.

据报道，泰国释放了三名伊朗人，以换取释放凯利·摩尔·吉尔伯特。 Source: IRBA

ايراني الاصله امريکايي خبريال Jason Rezaian ايراني امنيتي کسانو لخوا په ۲۰۱۴ کال کې بندي شو او پر نوموړي امريکا ته جاسوسی تور وه.

رضاين وايي، ايراني چارواکي د بهرنيانو نيولو وروسته له هغوی سره ناوړه چلند کوي د هغوی فيزيکي او هم رواني ځورونه کوي او بنديانو ته خبردارۍ ورکوي.

ښاغلی وايي، د اسټراليايي ميرمن ۸۰۰ ورځې بند کې پاتې کيدل اصل کې د تښتونې معنی درلوده يعنې ايراني امنيتي کسانو دا ميرمن تښتولې وه.

بله خوا د بشر حقونو مدافعين وايي، ايران لخوا د بهرنيانو نيول او پرې تور لګول او بيا د هغوی مقابل کې خپل اتباعو خوشې کول يو ځورونکی عمل دی.

Kylie Moore-Gilbert, center inside van, is seen in Tehran, Iran. Source: Iranian State Television

د ايران بهرنيو چارو وزير په کال ۲۰۱۹  دا ښکاره وويل چې ايران کې بندي بهرني وګړي له نورو سره تبادله کول غواړي.

د بشر حقونو فعالان وايي، پر ايران حکومت بايد فشار واچول شي ترڅو د خلکو نيول او د هغوی ژوند سره لوبې کول بند کړل او خلک بايد دې لپاره ونه نيسي ترڅو خپل وګړي پرې ازاد کړي.

 

NEW: Iran state TV just now shows footage of Kylie Moore-Gilbert leaving Evin prison & boarding a plane with dramatic music & lights.