مهم ټکي:
- د سره صلیب اداره له هغو کسانو سره مالي مرسته کوي چې لنډمهاله ویزې لري.
- په وېکټوریا ایالت کې د ۱۲ ټولګیو زده کوونکي هم واکسین کېږي.
- په نیو ساوت وېلز ایالت کې د کرونا وېروس ۱۲۲۰ نوې پېښې ثبت شوي.
- په سویلي آسټرالیا او کوینزلنډ کې د کرونا هېڅ نوې پېښه نده ثبت شوې.
نیو ساوت وېلز
د نیو ساوت وېلز ایالت چارواکي وايي چې په تېرو ۲۴ ساعتونو کې په دغه ايالت کې د کرونا ويروس ۱۲۲۰ نوې پيښې ثبت شوي او ۸ کسانو خپل ژوند له لاسه ورکړی دی.
په نیو ساوت وېلز ایالت کې تر دې دمه شاوخوا ۷.۵ میلیونه کسانو واکسین ترلاسه کړی. د دغه ایالت چارواکي له بومي آسټرالیایانو څخه غواړي ترڅو د کرونا واکسین ترلاسه کړي.
په همدې حال کې د آسټرالیا د سره صلیب اداره له هغو کسانو سره د مالي مرستې اعلان کړی چې لنډمهاله ویزې لري او د کرونا ویروس محدودیتونو له کار څخه پاتې کړي.
وېکټوریا
د وېکټوریا ایالت چارواکي وايي چې په تېرو ۲۴ ساعتونو کې په دغه ايالت کې د کرونا ويروس۲۴۶ نوې پيښې ثبت شوي او د ټولو فعاله پېښو شمېر ۱۷۸۶ ته رسېدلی دی.
د وېکټوریا ایالت چارواکي وايي هغو زده کوونکو ته چې په ۱۲ ټولګیو کې دي لومړیتوب ورکول کېږي ترڅو له آزموینو مخکې د فایزر واکسین ترلاسه کړي.
د آسټرالیا مرکزي سیمه
د آسټرالیا په مرکزي سیمه کې د کرونا وېروس ۱۹ نوې پېښې ثبت شوي. د دغو پېښو له ډلې څخه ۶ کسان پداسې حال کې په ټولنه کې ګرځېدلي چې په کرونا اخته وه.
د هغو ځاینونو په اړه معلومات چې د کرونا وېروس پېښې په کې ثبت شوي. که چېرې غواړئ پوه شئ چې واکسین ترلاسه کولای شئ او که نه .
د قرنطين، محدودیتونو، د آزمایښت کلینیکونو او وبا پرمهال د مالي مرستې په اړه معلومات:
د قرنطين او کرونا وېروس د معاينې چارې د آسټراليا ايالتي او سيمه ايزو حکومتونو لخوا پر مخ وړل کيږي.
تاسو د خپلو ايالتونو د ويبپاڼو له لارې له ډير معلومات له لاندې لينګونو څخه ترلاسه کولی شئ.
- , , , , , ,
- کوويډ-۱۹ لپاره واکسين ترلاسه کولو لپار
- د نيو ساوت ويلز څو کلتوريز وغتيا اړيکو خدمتونو ته چي ژباړل شوي لدې لينک له لارې لاسرسی ومومئ.
په ايالتونو او ښارونو کې د کرونا ويروس
د آسټراليا په ايالتونو او سيمو کې د كرونا ويروس د آزمایښت مرکزونه:
