مهم ټکي:
- په نیو ساوت وېلز ایالت کې د کرونا وېروس ۱۴۸۰ نوې پېښې ثبت شوي.
- له شیپرټن سیمې پرته د وېکټوریا په اطرافي سیمو کې محدودیتونه کم شوي.
- له راتلونکې میاشت څخه د آسټرالیا اوسېدونکو ته د کرونا واکسین پاسپورټ ورکول کېږي.
- د آسټرالیا په مرکزي سیمې کې د ۱۲ ټولګیو له زده کړیالانو د واکسین ترلاسه کولو غوښتنه شوې
نیو ساوت وېلز
د نیو ساوت وېلز ایالت چارواکي وايي چې په تېرو ۲۴ ساعتونو کې په دغه ايالت کې د کرونا ويروس ۱۴۸۰ نوې پيښې ثبت شوي او ۹ کسانو خپل ژوند له لاسه ورکړی دی. د مړه شویو کسانو له ډلې څخه ۷ تنو واکسین نه وه ترلاسه کړی.
د نیو ساوت وېلز ایالت مشره، ګلادیس بریجیکلین وايي د دغه ایالت ۷۵ سلنه اوسېدونکو لږترلږه د کرونا واکسین یو ډوز ترلاسه کړی دی او ۴۵ سلنه اوسېدونکو بیا د کرونا دواړه ډوزه واکسین ترلاسه کړی.
وېکټوریا
ایالت چارواکي وايي چې په تېرو ۲۴ ساعتونو کې په دغه ايالت کې د کرونا ويروس۲۲۱ نوې پيښې ثبت شوي چې ۹۸ یې په پخوانیو پېښو سره تړاو لري.
په وېکټوریا ایالت کې تر دې دمه ۶۰ سلنه کسانو لږترلږه د کرونا واکسین یو ډوز ترلاسه کړی. وروسته له هغه چې په وېکټوریا ایالت کې ۷۰ سلنه کسانو د کرونا لږترلږه یو ډوز واکسین ترلاسه کړي، په ملبورن ښار کې به محدودیتونه کم شي.
د آسټرالیا مرکزي سیمه
د آسټرالیا په مرکزي سیمه کې د کرونا وېروس ۲۰ نوې پېښې ثبت شوي. له دغې ډلې څخه ۹ پیښې له پخوانیو سره اړیکه لري.
د آسټرالیا مرکزي سیمه لومړنۍ سیمه ده چې له ۸۰ سلنه زیات داسې کسان په کې واکسین شوي چې له ۷۰ کلونو لوی عمرونه لري.
د هغو ځاینونو په اړه معلومات چې د کرونا وېروس پېښې په کې ثبت شوي. که چېرې غواړئ پوه شئ چې واکسین ترلاسه کولای شئ او که نه .
د قرنطين، محدودیتونو، د آزمایښت کلینیکونو او وبا پرمهال د مالي مرستې په اړه معلومات:
د قرنطين او کرونا وېروس د معاينې چارې د آسټراليا ايالتي او سيمه ايزو حکومتونو لخوا پر مخ وړل کيږي.
تاسو د خپلو ايالتونو د ويبپاڼو له لارې له ډير معلومات له لاندې لينګونو څخه ترلاسه کولی شئ.
- , , , , , ,
- کوويډ-۱۹ لپاره واکسين ترلاسه کولو لپار
- د نيو ساوت ويلز څو کلتوريز وغتيا اړيکو خدمتونو ته چي ژباړل شوي لدې لينک له لارې لاسرسی ومومئ.
په ايالتونو او ښارونو کې د کرونا ويروس
د آسټراليا په ايالتونو او سيمو کې د كرونا ويروس د آزمایښت مرکزونه:
