هغه ترهګر چې د نيوزيلند کرايس چرچ ښار کې يې پر دوو جوماتونو بريد وکړ او لسګونو مسلمانانو ته يې درنه مرګ ژوبله واړوله د کوم ضمانت پرته په عمري بند محکوم شو.
دا د نيوزيلند هيواد تاريخ کې لومړي ځل لپاره يو کس ته ترهګري عمل ترسره کولو لپاره عمري بند سزا واورول شوه.
روانه اونۍ دريو ورځو لپاره د يادو بريدونو قربانيانو له ترهګر او قاتل سره مخامخ شول او د محکمه کې د هغه شتون سره نوموړي ته د زړونو خبرې واورولې.
تير کال د نيوزيليند کرايس چرچ ښار پر جوماتونو بريد کې يو شمير افغانانو هم خپل ژوندونه له لاسه ورکړي ول.
د قربانيانو کورنيو غړو او هم له يادو بريدونو څخه روغ پاتې افغانانو پر جوماتونو بريدګر ته مخامخ سختې ويناوې وکړې او يادو ويناوو ته په رسنيو کې پراخ پوښښ ورکړل شول.
نيوزيلند کې قاضي کاميرون ماندير نن د پنجشنبې په ورځ محکوم شوي ترهګر ته سزا واوروله او قاضي وويل، "دا ستونزمنه ده چې تيرو هر يو شيطاني وژنې ته وکتل شي، ولې ته نه يوازې قاتل يې بلکې يو ترهګر هم يې."
قاضي کميرون وويل، " ستا ګناه دومره ډيره ده که چيرې تاته عمر قيد سزا هم درکړل شي او زندان کې مړ شې بيا هم دا سزا ستا جرمونو ته بسنه نه کوي."
په لومړيو کې بريدګر او پر خپل جرمونو اعتراف نه کاوه ولې وروسته يې د ۵۱ کسانو پر وژنه، د ۴۰ نورو وژنۍ قصد لرل او يو ترهګريز عمل باندې يې اعتراف وکړ.
ناجون من هجوم كرايستشيرش مبتهجون بالحكم أمام المحكمة العليا النيوزلندية Source: AAP
بريدګر پر دوو جوماتونو د بريد حال په ژوندۍ بڼه پر ټولنيزې رسنۍ خپروه.
د تير کال بريد قربانيانو د اسټراليايي ترهګر عمري زنداني کيدل ځانته برۍ ګڼلی.
