هند کې د ډونالډ ټرمپ ملاتړي ډير دي او ځيني کسان يې حتی خدای بولي او ورته عبادت کوي.
يو هندي کروندګر بوسا کريشنا د ډونالډ ټرمپ مجسمې جوړولو سره د هغه زيارت جوړ کړی وه او هر سهار يې ورته عبادت کاوه.
د کريشنا د تره زوی ويويک بوکا وايي،“ مونږ لومړيو کې سوچ کاوه چې بوسا رواني ناروغ شوی ولې بيا مونږ ليده چې ده خپل عبادت ته دوام ورکاوه او نور خلک به هم ترې راټوليدل.“
کله چې ډونالډ ټرمپ په کرونا ويروس اخته کيدلو خبر خپور شو نو کريشنا باندې دا خبر ډير بد اغيز وکړ او نوموړي فيسبوک باندې يوه ويډيو خپره کړه په کوم کې چې ده په چيغو ژړل او ټرمپ لپاره يې له خلکو د دعا غوښتنه کوله. کريشنا وويل چې خدای يې ناروغه دی، “ زما خدای ټرمپ پر کرونا ويرس اخته شوی، زه له ټولو غواړم چې د هغه روغتيا ته دعا وکړي.“
د کريشنا کورنۍ ويلي، نوموړي د ټرمپ ناروغه کيدلو وروسته خواړه خوړل بند کړل او په ژور خپګان اخته شو. د يکشنبې په ورځ کله چې ټرمپ د سپينې ماڼۍ ډاکټرانو لخوا روغ اعلان شو په هماغه ورځ کريشنا د زړه حملې له امله ساه ورکړه او ومړ.
کريشنا ډونالډ ټرمپ ته خدای ويل او د هغه عبادت کول نوموړی ډير مشهوره کړی وه او ده نه يوازې خپل کلي خلکو پام ځانته اړولې وه بلکې هندي رسنيو او هم ټولنيزو شبکو کې نوموړي ډير شهرت ترلاسه کړی وه.
د کريشنا د تره زوی بوکا وايي، “ده پخوا هيڅ روغتيايي ستونزه نه درلوده او نه هم د زړه ناروغه وه او اوس هم داسې ثبوت نشته چې کريشنا به ټرمپ لپاره روژو نيولو څخه مړ شوی وي.“
حال داچې ټرمپ خپل دې ملاتړي څخه خبر ندی ولې يوې نوې څيړنې موندلې شاوخوا ۵۶ سلنه له هنديانو څخه پدې باور دي چې ټرمپ ښه کارونه کوي او نړۍ پر وړاندې بريالی پاليسي لري.
کريشنا له تيرو ۴ کلونو راهيسې د ډونالډ ټرمپ مينه وال وه او هغه يې خدای ګڼه.
یک روحانی هندو از خدایان میخواهد هند و امریکا را در برابر تندروی اسلامی متحد بسازد. Source: AFP
دا کيسه له عجيب خوب څخه پيليږي، څلور کاله وړاندې د امريکا ولسمشر ډونالډ ټرمپ د پاکستان او هند د کريکټ لوبې څخه يوه شپه مخکې ټرمپ د کريشنا خوب ته راغلی او نوموړي ته يې ويلي ول چې هند به سبا ورځ لوبه کې پاکستان ته ماتې ورکوي، هماغه وه چې هند پاکستان ته ماتې ورکړه او کريشنا ټرمپ خپل خدای کړ.
کله چې ټرمپ د هند پر سفر تللی وه نو کريشنا د امريکا سفارت ته تګ وروسته په تمه وه ترڅو له ټرمپ سره وګوري ولې د هغه دا ارمان پوره نشو.
دهقان ٣٣ ساله هندی، بوسا کریشنا، در حال پرستش مجسمه دونالد ترامپ در خانهاش در نزدیکی حیدرآباد. Source: AFP
ټرمپ د هند سفر دوران کې په يوې لوبغالې کې ۱۰۰،۰۰۰ راټولو شوو هنديانو ته وينا وکړه.
کله چې کريشنا پوه شو ټرمپ په کرونا ويروس اخته شوی نو نومړي ځان په يو کوټه کې بند کړ او هيڅ يې نه خوړل.
يکشنبې په ورځ کريشنا ولويده او روغتون ته تګ څخه مخکې يې ساه ورکړه، اوس يې د کلي خلک د ټرمپ زيارت ساتلو باندې فکر کوي.
