د اسټراليا ډيري لوی ښارونه اوس د باران ورښت لمن کي دي او له ډيرو کړاوونو وروسته د يادې باراني هوا تود هر کلی کيږي.
.اوس ځينو ښارونو کې د ډير باران او تيز باد له امله د سيلاونو راوتلو خطر شتون لري.
تر نورو ډير خطر سيدني ښار کې د ۶ ميليونه نفوس د پاکو اوبو ذخيره ده چې د سيلاونو راتلو سره کيدای شي دا ذخيره ځنګلونو لګيدلو اورونو ايرې پاکو اوبو سره ګډې کړي.
د سيدني ښار اوبو عمومي ذخيره د واراګامبا په نامه ياديږي او د يادې ذخيرې شاوخوا جالي لګول شوې ترڅو سيلاونه سوځيدلي لرګي او نورې ايرې يادې ذخيرې له اوبو سره ګډې نه کړي.
د اسټراليا هوا پيژندنې ادارې اټکل له مخه يوازې سيدني ښار کې به راتلونکو څو ورځو کې له ۳۰ څخه تر ۸۰ ميلي ميتره باران وشي.
ځيني بيا وايي چې د اسټراليا لويو ښارونو پر وړاندې د جنت دروازې پرانيستل شوې، خلک دا شعارونه ځکه کاروي چې ډيرې بې صبری سره د باران ورښت ته سترګې په لار ول.
بله خوا له يادې خوښی سره تړلې ځيني انديښنې هم شتون لري. د سيدني ښار اوبو عمومي ذخيرې شاوخوا ځنګله کې ۳۰۰،۰۰۰ هکتاره ځنګل سوځيدلی او ويره شته چې کيدای شي د شاوخوا ذخيرې ته سيلاونه د ځنګله سوځيدلې ونې او نور پوټي راوړي.
د نيو ساوت ويلز ايالت اوبو ادارې خبر ورکړی چې د اوبو کيفيت معلومولو ماهرين په سيمه کې دي او حالت له نږدې څاري.
Warragamba Dam is surrounded by about 300,000 hectares of burnt land. Source: SBS News
ياده اداره زياتوي، د اوبو ذخيرې شاوخوا ځيني جالی لګول شوي ترڅو يادې ذخيرې ته سوځيدلو بوټو او ونو راوړلو مخه ونيسي.
د اسټراليا هوا پيژندې ادارې اټکل له مخه د اسټراليا لويو ښارونو ځنګلونو اور په ځينو سيمو ډير باران ورښت اټکل شوی. هوا پوهان وايي باران به وشي کولی ترڅو ککړه هوا پاکه کړي
Firefighters battle bushfires in northern NSW. There's fears ash from the fires will contaminate drinking water. Source: AAP
د اسټراليا نيو ساوت ويلز ايالت اور وژنې اداره وايي، سره لدې چې راتلونکو څو ورځو کې به د ياد ايالت ډيرو سيمو کې بارانونه وشي ولې دا پدې معنی نده چې لګيدلي اورونه مړه کړي.
د لګيدلو اورنو کابو کولو کې دا بارانونه ډيره مرسته کوي ولې د ۶ ميليونو هکتاره ځمکې اور په بشپړ ډول مړ کول هم ډير وخت ته اړتيا لري.
له ۲۰۰۴ کال وروسته لومړي ځل لپاره د نيو ساوت ويلز ايالت د اوبو ذخيره ۴۳ سلنې ته راټيټه شوې.
