اسټراليايي پوځي بن روبيرټس سميت پر ځان لګول شوي تورونه رد کړي چې ګواکې نوموړي په کال ۲۰۰۸ کې په پښه معلول طالب نيولو وروسته نوموړی وژلی.
ښاغلی روبرټس ځينو رسنيو خلاف محکمې ته مخه کړې او د هغوی جريمه کولو کوښښ کوي.
يادو رسنيو کې Sydney Morning Herald, The Age, The Canberra Times شاملې دي.
محکمې ته ويل شوي چې يادو رسنيو دده شخصيت وژنه کړې او نوموړی يې يو جنايت کار معرفي کړی.
د ياد پوځي خلاف محکمې ته نور پوځيان وړاندې کيږي او شاهدي ورکوي، دا پوځيان ۲۰۰۹ کال اپريل مياشت کې په ارزګان کې طالبانو خلاف عملياتو کې بوخت ول. محکمې ته ويل شوي چې له رابرټس سميت سره پيکا ورته وسله وه او نوموړي يوې ودانۍ تخليه کيدو وروسته له ودانۍ بهر يو کس وليد چې معلول وه او ورسره ښکاري ټوپک وه.
ښاغلي راپرټس سميت محکمې ته وويل، چې له ياد کس سره په نښته کې شوم.
نوموړي د ياد اورپکي يا طالب وژل او نوموړی يې په ۱۲ څخه تر ۱۵ مرميو ويشتلو ادعا رد کړې.
نوموړی وايي، معلول اورپکۍ يې يوازې دوه مرمۍ ويشتلی او دا ادعا يې هم رد کړې چې د وژل شوي کس جسد يې له ځانسره وړی.
وژل شوي اورپکي يوه پښه پلاستيکي وه او محکمې ته نورو شاهدانو ويلي چې نوموړی اورپکی کنټرول لاندې وه معنی داچې خطر يې نه مخ کوو ولې رابرټس سميت بيا وايي دا حقيقت نه لري او دا ما ډير ناهيلي کوي.
محکمې ته ويل شوي چې د وژل شوي طالب پلاستيکي پښه د يو بل پوځي لخوا د اسټراليا ځانګړو ځواکونو الکهولو څښلو مرکز کې کارل شوې او هماغه پلاستيکي پښه کې به شراب څښل کيدل.
Ben Roberts-Smith leaves the Federal Court in Sydney on Thursday, 10 June, 2021. Source: AAP
رابرټس سميت وويل، ما په هغه پلاستيکي پښه کې الکهول ندي څښلي.
محکمه ته وويل شول چې رابرټس سميت په ايسټ ټيمور هيواد کې په کال ۱۹۹۹ کې ماموريت ترسره کړی او بيا افغانستان کې يې ۶ کاله ځانګړو ځواکونو قطعه کې دنده ترسره کړې.
بين رابرټس سميت په کال ۲۰۱۳ کې خپل پوځي دنده پريښوده او ځانته يې شخصي کاروبار جوړ کړ.
بين رابرټ سميت خلاف د جنګي جنايتونو د قضيې مخې ته وړونکی وکيل Nicholas Owens SC وايي، د بين خلاف ټول شواهد د سالمو کسانو لخوا وړاندې شوي او د نوموړي وژنې پيښي د جګړې تاوده ميدان کې ندي ترسره شوي بلکې وژل شوي کسان کنټرول لاندې ول.
ښاغلي Nicholas وويل، د ځانګړو ځواکونو ياد پوځي بين رابرټ سميت خلاف به د نوموړي پخواني همکارانو او ځايي افغانانو ۲۱ کسيزه ډله شاهدي ورکړي.
بله خوا د تورن پوځي حقوقي ټيم وايي، پر رابرټ باندې تورونه د هغو پوځيانو لخوا لګول شوي کوم چې بخيل دي او جګړې کې ډيرې لاسته راوړنې نه لري.
د نوموړي پوځي محکمه نن هم ادامه لري.
