د اسټراليا لومړي وزير نن اعلان وکړ چې له روانې مياشتې ( فبروری) له ۲۱ نيتې څخه به بشپړ واکسين شوي سيلانيان وشي کولی اسټراليا ته سفر وکړي.
د اسټراليا پولې به له دوو کلونو ځنډ وروسته يو ځل بيا د سيلانيانو پر مخ پرانيستل شي، د اسټراليا لومړی وزير وايي، مونږ نړۍ ته يو ځل بيا ښه راغلاست وايو، او د پولو پرانيستل اسټراليا لپاره يوه بله ستره لاسته راوړنه ده.
دوه کاله وړاندې د ۲۰۲۰ مارچ مياشت کې اسټراليا نړۍ پر وړاندې خپل پولې وتړلې او ډيره کې يې دا هيواد د کرونا ويروس له خطرناکو څپو وژغوره.
لدې وړاندې تير کال ډيسمبر مياشت کې د اسټراليا حکومت نړيوالو زده کوونکو، مهاجرو او هم کاريګرو پر وړاندې خپل پولې پرانيستې وې، ولې اوس سيلانيانو پر وړاندې هم پولې پرانيستل کيږي.
بهر څخه راتلونکي کسان اړ دي ترڅو خپل واکسين کيدو سند وړاندې کړي او که چيرې طبي دلايلو له وجې واکسين شوي نه وي نو هغه سند هم بايد وړاندې شي.
اسټراليا کې له تيرو دوو کلونو راهيسې سياحت برخه ډيره اغيزمنه شوې او له پولو پرانيستې سره تمه کيږي چې ياده برخه پر خپلو پښو ودريږي.
