اسټراليا له نږدې دوه کاله ځنډ وروسته خپل پولې پرانيستلې.
د کرونا وبا پيل سره اسټراليا يو له هغو هيوادونو ځخه وه چې ياد ويروس خپريدو مخنيوي لپاره يې تر ټولو سخت تدابير رامينځته او خپل پولې يې د ۲۰۲۰ کال مارچ مياشت څخه وتړلې.
لومړي وزير سکاټ موريسن پرون خبريالانو سره خبرو کې وويل، چې د انتظار موده ختمه شوه او پولې پرانيستل شوې.
ښاغلي وويل پر سيلانيانو غږ وکړ ، " خپل بکسونه وتړئ، او هير مو نشي چې له ځان سره پيسې راوړی ځکه اسټراليا کې ډير شيان دي چې پرې پيسې مصرف کولی شئ."
نن سهار شپږ بجې د امريکا له لاس انجلس ايالت څخه مستقيم پرواز سيدني ښار ته ورسيد.
له توکيو ونکور او سنګاپور څخه هم پروازونه په لار دي.
د اسټراليا سياحت وزير ډان تيهان چې اسټراليا ته راغلو سيلانيانو هرکلي لپاره هوايي ډګر ته تللی وه وويل، اسټراليا لپاره او هم سيلانيانو لپاره دا د خوښی ځای دی.
ښاغلي زياته کړه، د اسټراليا سياحت برخه کې ۶۶۰،۰۰۰ کسان په کار بوخت دي او د پولو پرانيستل ټولو لپاره ښه زيرۍ دی.
په پام کې ده چې د اسټراليا پولو پرانيستې سره ۵۶ پروازونه رسيدو حال کې دي ولې که دا شمير بيا د کرونا وبا څخه مخکې سره پرتله شي نو ډير لږ دی.
اسټراليا د ۲۰۲۰ کال مارچ مياشت څخه د ټولو پر وړاندې پولې تړلې ولې او يوازې خپل تبعه او اوسيدونکو ته يې داخليدو اجازه ورکوله.
بله خوا د اسټراليا ملي هوايي شرکت کانتاس مشر الان جويس وايي، د حکومت د پولو پرانيستې اعلان سره د ټکټونو پيرل ډير شوي.
