د اسټراليا حکومت د يوې محکوم شوې ترهګرې ډلې مشر عبدالناصر بنبريکا اسټراليايي تابعيت لغوه کړ او نوموړی دا مهال زنداني دی.
د اسټراليا کورنيو چارو وزير پيټر ډاټون وويل، عبدالناصر چې دا مهال زندان کې دی د يادې پريکړې په اړه ورته خبر ورکړل شوی او دا به وروسته محکمه پريکړه وکړي چې ايا نوموړی زندان کې پاتې شي او يا له اسټراليا څخه بهر وايستل شي.
پيټر ډاټون وويل، عبدالناصر د زرګونو اسټراليايانو وژنې خبرې کړي.
"دا مهمه نده چې دا کس څوک دی ولې که کوم کس زمونږ هيواد ته ترهګري خطر پيښوي نو بيا مونږ هر هغه څه کوو چې زمونږ واک کې وي ترڅو اسټراليايان خوندي وساتو."
لومړي ځل لپاره عبدالناصر ترهګريزو کړنو لپاره په کال ۲۰۰۹ کې زنداني شو او په ۱۵ کاله زندان محکوم شو.
Minister for Home Affairs Peter Dutton Source: AAP
عبدالناصر چې ځانته د اسلام عالم وايي، پلان يې درلود ترڅو ملبورن ښار ځينې عامه ځايونه په نښه کړي او عام اسټراليايان ووژني.
نوموړي خپل پلويانو ته ويلي ول چې بايد ۱۰۰۰ اسټراليايان ووژل شي ترڅو اسټراليا له افغانستان او عراق څخه خپل پوځيان بهر کړي.
د اسټراليا حکومت غواړي ترڅو نوموړی خپل بند موده تيره کړي مخکې لدې چې له اسټراليا څخه وويستل شي ولې پر دې مسلې به محکمه پريکړه کوي.
ښاغلي ډاټون وويل، دا لومړی کس دی چې اسټراليا کې دننه ترهګريزو کړنو لپاره خپل اسټراليايي تابعيت له لاسه ورکوي.
د نوي قانون له مخه عبدالناصر ته د پخواني تابعيت لرونکي ويزه ورکول کيږي.
