آسټراليا کې د روغتيا کارکوونکي پر ټولو غږ کوي ترڅو وخت رارسيدو سره دې واکسين ترلاسه کړي.
نن د روغتيا برخې کارکوونکو هم زړو کسانو مرکزونو کې کسانو واکسين ترلاسه کړ او د واکسين کولو ملي پلان رسمي ډول سره پيل شو.
۶۰ زره کسان چې درجه بندی له مخه ورته لومړيتوب ورکړل شوی دوی لومړي قدم کې واکسين کيږي.
ويکټوريا ايالت کې لومړنی کس چې نن سهار يې واکسين ترلاسه کړ هغه د Monash Health روغتون کې د ساري ناروغيو کنټرول برخې مشره رونډا ستارټ وه.
نوموړې وويل، "زه ډير د فخر احساس کووم چې نن مې واکسين ترلاسه کړ او د کرونا ويروس مبارزې برخه کې مو د کار کولو بل پړاو پيل کړ."
"زمونږ مقصد به لومړی د ټولو روغتيا برخې کار کوونکو واکسين کول وي او له هغې وروسته به عام خلکو واکسين کول پيليږي."
د اغلې سټارټ ټيم په ويکټوريا ايالت کې په کرونا ويروس اخته شوي لومړي کس درملنه د تير کال جنوری مياشت کې وکړه.
اغلې وويل، له لومړي ناروغه کس درملنې څخه ۱۴ مياشتې تيرې شوې او دا د خوښۍ ځای دی چې اوس مونږ واکسين ترلاسه کړی او کولی شو خپل ځان لدې ناروغۍ وژغورو.
نن د روغتيا برخې او سرحدي او مهاجرت برخې کار کوونکو واکسين ترلاسه کول پيل کړل. بله خوا د زړو کسانو ساتنې مرکزونو کې هم د واکسين کولو لړۍ پيل شوه.
بله خوا د اسټراليا د روغتيا څانګې د مشر مرستيال ميکل کيډ وايي، دا مهال ۲۰ سلنه اسټراليايان د کرونا ويروس واکسين ترلاسه کولو برخه کې زړه نا زړه دي.
د اسټراليا تر ټولو سترې د ټينيس نړيوالۍ سپورتي سياليو يعنې اسټراليان اوپن پايلوبې په شپه چې کله د اسټراليا ټينيس فدراسيون مشرې وينا کوله او د واکسين کولو ملي ستراتيژي ذکر يې وکړ نو ناستو ګډونوالو ملنډې ووهلې چې دا عمل په اسټراليا کې په پراخه کچه وغندل شو.
ښاغلي کيډ يو ځل بيا اسټراليايانو ته ډاډګيرنه ورکړه چې اسټراليا کې کاريدونکی واکسين خوندي دی او له سختو معاينې پړاونو څخه تير شوی.
نيو ساوت ويلز ايالت کې به راتلونکو ۳ اونيو کې ۳۵ زره لومړۍ کرښې کارکوونکي واکسين کيږي چې په هغوی کې پوليس هم شامله دي.
Essential workers including police and medial professionals register at the Royal Prince Alfred Hospital Vaccination Hub in Sydney, Monday, 22 February, 2021. Source: AAP
د نيو ساوت ويلز ايالت مشرې ګلاديس بريجيکليان هيله وښوده چې تر اوکتوبر مياشت پورې به د نيو ساوت ويلز ايالت ټول اوسيدونکي واکسين شوي اوسي.
تاسې به متوجه شوي ياست چې اس بي اس پښتو مطالب پر فيسبوک نشی ترلاسه کولی.
تاسې له لاندې لارو کولی شئ چې زمونږ مطالب واورئ او هم يې ولولئ.
