درې کلنې، اشلی رومانا په تېرو شاوخوا ۱۵ میاشتو کې له خپلې نیا سره په هند کې ژوند کاوه، مګر مور یې په آسترالیا کې وه.
د اشلي رومانا مور 'هرپیندر رومانا' غوښتل ترڅو د هغې لور آسټرالیا ته راشي، مګر د عمر د کموالي له امله د هغې لور نشو کولای ترڅو آسترالیا ته یواځې سفر وکړي. همدا راز هغې په خپله د محدودیتونو له امله هند ته د سفر اجازه نه درلوده.
کله چې د پرت ښار اوسېدونکي، یدویندر سنګ غوښتل له هند څخه آسټرالیا ته سفر وکړي نو د 'اشلي رومانا' مور ورته زنګ وهلی او ورڅخه یې غوښتنه کړې ترڅو د هغې لور هم له ځان سره آسټرالیا ته راولي.
کله چې ښاغلي سنګ له هند څخه آسټرالیا ته د راتګ لپاره تیاری نیولو نو د 'اشلي رومانا' مور ورسره د فیسبوک له لارې اړیکه نیولې او ورڅخه یې غوښتنه کړې ترڅو د هغې لور هم له ځان سره آسټرالیا ته راولي.
Yadwinder had been in India since October 2020, having travelled to see his unwell mother. Source: SBS News
ښاغلي سنګ د اس بی اس خبري شبکې سره په خبرو کې ویلي: "هغې یوازې له ما څخه وپوښتل چې آیا زه یوازې سفر کوم او آیا زه کولی شم د هغې لور له ځان سره راولم."
ښاغلی سنګ وايي چې د هغې په غږ کې یې درد احساس کړ، له همدې امله یې پرېکړه کړې ترڅو ماشومه له ځان سره آسټرالیا ته راولي.
ښاغلی سنګ په خپله هم ماشومان لري، له همدې امله پدې ښه پوهېږي چې له ماشومانو سره باید سفر څرنګه ترسره شي.
”ما داسې فکر کاوه لکه له خپلې لور سره چې سفر کوم. مونږ د دوحې په هوايي ډکر کې ۱۴ ساعته دمه درلوده او هغه له ماسره ډېره آرامه وه.”
نوموړی زیاتوي ”زه ډېر خوښ یم چې د کورنۍ غړي سره یوځای شوه. زه پوهېږم چې له ماشومانو څخه د لرې پاتې کېدو درد څرنګه وي. ”
د اشلي رومانا، ۳۵ کلنه مور له ښاغلي سنګ څخه مننه کوي چې د هغې لور یې له هند څخه آسټرالیا ته راوستلې ده.
Yadwinder Singh with Ashlyn Romana at Doha International Airport. Source: Supplied
آغلې هرپندر رومانا وايي چې په تېرو ۱۵ میاشتو کې یې هڅه کړې ترڅو له حکومت څخه اجازه واخلي او هند ته سفر وکړي، مګر حکومت د هغې نوي پیدا شوي ماشوم ته د سفر اجازه نده ورکړې له همدې امله هغه مجبوره شوې ترڅو سفر ونکړي.
هغه وايي له یو شمېر داسې کورنیو سره په هند کې په اړیکه کې ده چې فکر کوي، حکومت په دغه برخه کې خپل رول ښه نه لوبوي.
اوسمهال په هند کې شاوخوا ۱۱ زره او ۲۰۰ آسټرالیایان بند پاتې دي چې غواړي بیرته آسټرالیا ته راشي. له دغې ډلې څخه شاوخوا ۱۰۰۰ کسان زیانمن دي او تر نورو مخکې باید آسټرالیا ته سفر وکړي.
